ខេត្តរតនគិរី ៖ បុរសវ័យចំណាស់ម្នាក់ត្រូវរន្ធះបា.ញ់រងរបួសធ្ងន់ធ្ងរ និងកូនប្រុសម្នាក់ទៀតសន្លប់ប្រហែល១ម៉ោងទើបដឹងខ្លួនដោយសាររន្ទះបា.ញ់ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៥ និង៤០នាទីល្ងាច ថ្ងៃទី១៤ សីហា ២០១៥
ខេត្តរតនគិរី ៖ បុរសវ័យចំណាស់ម្នាក់ត្រូវរន្ធះបាញ់រងរបួសធ្ងន់ធ្ងរ និងកូនប្រុសម្នាក់ទៀតសន្លប់ប្រហែល១ម៉ោងទើបដឹងខ្លួនដោយសាររន្ទះបាញ់ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៥ និង៤០នាទីល្ងាច ថ្ងៃទី១៤ សីហា ២០១៥ ស្ថិតនៅភូមិទូស សង្កាត់កាចាញ ក្រុងបានលុង ខេត្តរតនគិរី ។
តាមការរៀបរាប់ពីសាច់ញាតិបានឱ្យដឹងថា ជនរងគ្រោះឈ្មោះ ទីវ ហង្សសារ៉េត ភេទប្រុស អាយុ៥២ឆ្នាំ ជាឪពុក (សន្លប់ធំ) និងកូនប្រុសឈ្មោះ ទីវ ប៊ុនហ៊ុយ អាយុ១៤ឆ្នាំ មានទីលំនៅភូមិ៤ សង្កាត់កាចាញ ក្រុងបានលុង ខេត្តរតនគិរី ។
ប្រភពបានឱ្យដឹងទៀតថា មុនពេលកើតហេតុ ម៉ោងប្រហែល៣រសៀល ជនរងគ្រោះទាំង២នាក់ឪពុក-កូនបានទៅចំការគាប់ជួនពេលនោះមានភ្លៀងរលឹមបើកថ្ងៃគាត់ទាំង២នាក់ក៏បានទៅអង្គុយលេងនៅខ្ទមចាំចំការ ។ ស្រាប់តែនៅម៉ោងកើតហេតុខាងលើក៏មានរន្ទះបាញ់គល់ឈើកំបុតមួយដែលមានចម្ងាយប្រហែល៣ម៉ែត្រពីខ្ទមបណ្តាលឱ្យគល់ឈើកំបុតនោះរយះជា២ ឯជនរងគ្រោះជាកូនសន្លប់ប្រហែល១ម៉ោងទើបដឹងខ្លួន ចំណែកឪពុកសន្លប់លែងដឹងខ្លួន ក៏ត្រូវសាច់ញាតិដឹកទៅសង្គ្រោះនៅមន្ទីរពេទ្យបង្អែកខេត្តរតនគិរី ។
បើតាមសម្តីក្រុមគ្រូពេទ្យដែលបានជួយសង្គ្រោះបានឱ្យដឹងថា ជនរងគ្រោះបានរួចផុតពីគ្រោះថ្នាក់ដល់ជីវិតហើយ ដោយសារបានដឹកមកមន្ទីរពេទ្យទាន់ពេលវេលា តែនៅពេលនេះ(ម៉ោង៧ និង១៥នាទីយប់ ថ្ងៃទី១៤ សីហា) ជនរងគ្រោះនៅមិនទាន់ដឹងខ្លួននៅឡើយទេ ៕
ចែករំលែកព័តមាននេះ