វីដេអូឃ្លីបជនជាតិភាគតិចចារ៉ាយកប់សាកសពជាមួយម៉ូតូផ្អើលពេញ Facebook
ខេត្តរតនគិរី ៖ ទំលៀមទំលាប់ប្រពៃណីបងប្អូនជនជាតិដើមភាគតិចចារ៉ាយនៅតំបន់ភាគឦសាន នៅគោរពប្រពៃណីរបស់ខ្លួនតាំងពីដូនតាយូរលង់ណាស់មកហើយ
ខេត្តរតនគិរី ៖ ទំលៀមទំលាប់ប្រពៃណីបងប្អូនជនជាតិដើមភាគតិចចារ៉ាយនៅតំបន់ភាគឦសាន នៅគោរពប្រពៃណីរបស់ខ្លួនតាំងពីដូនតាយូរលង់ណាស់មកហើយ រហូតដល់បច្ចុប្បន្ននេះហាក់នៅតែមានអាថ៌កំបាំងដែលបងប្អូនខ្មែរយើងភាគច្រើនមិនបានដឹង។
ជាក់ស្តែងនៅរសៀលថ្ងៃទី១៣ សីហា ២០១៥ គេបានឃើញឈ្មោះ ប៉ុន ផេត ដែលគេដឹងថាជាគ្រូបង្រៀនបឋមសិក្សានៅភូមិប៉ក់តូច ឃុំប៉ក់ញ៉ៃ បានបង្ហោះវីឌីអូឃ្លីបមួយក្នុង Account Facebook របស់ខ្លួនបង្ហាញពីសកម្មភាពបងប្អូនជនជាតិដើមភាគតិចចារ៉ាយកប់សាកសពនៅក្នុងភូមិ-ឃុំខាងលើ ជាមួយនឹងម៉ូតូម៉ាកឌ្រីមសង់ C125 ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ1A-8793 ព្រមទាំងសម្ភារផ្សេងៗដែលជាកម្មសិទ្ធិរបស់សាកសព ធ្វើឲ្យមានការភ្ញាក់ផ្អើលដល់មហាជនពេញ Faccbook និងមានការភ្ញាក់ផ្អើលដល់សមត្ថកិច្ចប៉ូលិសមូលដ្ឋាននៅស្រុកអូរយ៉ាដាវយ៉ាងខ្លាំង។
ទាក់ទិនករណីខាងលើនេះសារព័ត៌មានបានចុះទៅស្រាវជ្រាវព័ត៌មានដល់ភូមិប៉ក់តូច ឃុំប៉ក់ញ៉ៃ ស្រុកអូរយ៉ាដាវ នៅព្រឹកថ្ងៃទី១៤ សីហា ២០១៥ នេះ បានជួបជាមួយបងប្អូនប្រជាពលរដ្ឋនៅភូមិ-ឃុំខាងលើប្រាប់ឲ្យដឹងថា រយៈពេលខ្លីនេះអត់មានបងប្អូនជនជាតិស្លាប់ ហើយកប់ម៉ូតូតាមនោះទេ តែរយៈពេលជាយូរឆ្នាំហើយមាន។
បើតាមការឱ្យដឹងពីលោក ខ្លាន ធីម មេប៉ុស្តិ៍ឃុំប៉ក់ញ៉ៃ លោកបានឲ្យដឹងថា នៅក្នុងសង្គម facebook គាត់បានឃើញ និងបានដឹងធ្វើឱ្យមានការភ្ញាក់ផ្អើលដល់សមត្ថកិច្ចមូលដ្ឋាន ហើយក្នុងរយៈពេល២-៣ខែនេះអត់មានបងប្អូនជនជាតិចារ៉ាយណាម្នាក់ស្លាប់ទេនៅក្នុងភូមិរបស់គាត់។
លោកមេប៉ុស្តិ៍បានបញ្ជាក់ថា បើចំពោះបងប្អូនជនជាតិដើមភាគតិចចារ៉ាយក្នុងឃុំរបស់គាត់ រយៈពេល២-៣ឆ្នាំមុនមានស្លាប់ ហើយកប់ម៉ូតូ និងសម្ភារដែលជាកម្មសិទ្ធិរបស់សាកសពទៅជាមួយមែន។ ដោយឡែកអាជ្ញាស្រុកអូរយ៉ាដាវ និងមន្ត្រីប៉េអឹម និងមន្ត្រីប៉ូលិសស្រុកអូរយ៉ាដាវ បានផ្តល់ព័ត៌មានដូចគ្នាថា ជនជាតិច្រាយឱ្យតែមានបងប្អូនសាច់ញាតិស្លាប់ ដោយគ្រោះថ្នាក់ចរាចរណ៍ និងឈឺស្លាប់ បើម្ចាស់សពមានទ្រព្យសម្បត្តិផ្ទាល់ខ្លួនគ្រប់យ៉ាង គឺពួកគេកប់ទៅតាមទាំងអស់ នេះជាទំលៀមទំលាប់របស់ជនជាតិដើមភាគតិចចារ៉ាយ ។
ក្នុងរឿងនេះអាជ្ញាធរមូលដ្ឋានបានឃើញញឹកញាប់ណាស់ តែមិនហ៊ានទៅហាមឃាត់អ្វីនោះទេ ខ្លាចពួកគាត់ជាជនជាតិចារ៉ាយផាក ជាក្របី គោ ជ្រូក មាន់ ទា ស្រាពាងជាដើម ក្នុងនោះដែរសារព័ត៌មានបានស្វែងរកម្ចាស់គណនី facebook ឈ្មោះប៊ុន ថេត ជាគ្រូបង្រៀននៅសាលាបឋមសិក្សាភូមិប៉កតូចកាលពីម៉ោង១០ព្រឹក ថ្ងៃទី១៤ សីហា ២០១៥ នេះ ដែរ តែពេលទៅដល់សាលាដើម្បីរកព័ត៌មានពិតប្រាកដ ត្រូវបានប្រជាពលរដ្ឋ និងសិស្សសាលាម្នាក់ប្រាប់ថា អត់ស្គាល់ឈ្មោះប៊ុន ថេត នោះទេ៕
ចែករំលែកព័តមាននេះ