រាជធានីភ្នំពេញ ៖ ស្ត្រីម្នាក់ត្រូវបានកម្លាំងនគរបាលខណ្ឌដង្កោធ្វើការឃាត់ខ្លួនបានបន្ទាប់ពីបានរួមដៃគ្នាជាមួយបក្ខពួកដែលជាបុរសម្នាក់ទៀតធ្វើសកម្មភាពល្បួងឲ្យស្ត្រីម្នាក់ទៅជួប រួចបានចាប់ច្របាច់ក ប្លន់យកម៉ូតូ និងកាបូបលុយមិនបានសម្រេច
រាជធានីភ្នំពេញ ៖ ស្ត្រីម្នាក់ត្រូវបានកម្លាំងនគរបាលខណ្ឌដង្កោធ្វើការឃាត់ខ្លួនបានបន្ទាប់ពីបានរួមដៃគ្នាជាមួយបក្ខពួកដែលជាបុរសម្នាក់ទៀតធ្វើសកម្មភាពល្បួងឲ្យស្ត្រីម្នាក់ទៅជួប រួចបានចាប់ច្របាច់ក ប្លន់យកម៉ូតូ និងកាបូបលុយមិនបានសម្រេច ត្រូវបានម្ចាស់ផ្ទះជួលចូលទៅជួយទាន់ពេលវេលា ទើបបក្ខពួលបានរត់គេចខ្លួនបាត់ស្រមោល នៅសល់តែស្ត្រីរូបនោះក៏ត្រូវបានប៉ូលិសឃាត់ខ្លួនបាន នាំយកទៅសាកសួរ និងកសាងសំណុំរឿងចាត់ការតាមផ្លូវច្បាប់ ។ ហេតុការណ៍នោះបានកើតឡើង កាលពីវេលាម៉ោង៥ និង៥០នាទី ថ្ងៃទី១២ ខែសីហា ឆ្នាំ២០១៥ នៅត្រង់ចំណុចផ្ទះជួលស្ថិតក្នុងភូមិខ្វាខាងកើត សង្កាត់ដង្កោ ខណ្ឌដង្កោ រាជធានីភ្នំពេញ ។
ស្ត្រីសង្ស័យដែលត្រូវចាប់ខ្លួនមានឈ្មោះ ភន់ ស្រីនាង អាយុ២៨ឆ្នាំ មុខរបរលក់ត្រី ស្នាក់នៅផ្ទះជួល ក្នុងភូមិកើតហេតុខាងលើ និងបក្ខពួកម្នាក់ទៀតដែលជាបុរស ឈ្មោះ ដាវីត អាយុ២៥ឆ្នាំ បានរត់គេចខ្លួនបាត់ស្រមោល ។ ដោយឡែកស្ត្រីរងគ្រោះឈ្មោះ រិទ្ធិ ស៊ីនឿន អាយុ២៩ឆ្នាំ មុខរបរលក់ខោអាវ ស្នាក់នៅភូមិឫស្សី សង្កាត់ស្ទឹងមានជ័យ ខណ្ឌមានជ័យ ហើយទ្រព្យសម្បត្តិ ដែលជនសង្ស័យ ប្លន់មិនបានសម្រេចនោះ មានកាបូបលុយ១ និងម៉ូតូម៉ាកស្កុបពី ពណ៌ស ស៊េរីឆ្នាំ២០១៥ ពាក់ស្លាកលេខ ភ្នំពេញ 1C-2476 មួយគ្រឿងផងដែរ ។
ព័ត៌មានលម្អិតនឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ