ខេត្តស្វាយរៀង ៖ យុវជនម្នាក់កើតរោគសរសៃប្រសាទចេះតែស្រមើស្រមៃឃើញឪពុកស្តីបន្ទោសពេលញ៉ាំបាយ ឃើញជីតាស្តីបន្ទោសថា ដើរគេចសាលាមិនចូលរៀន និងឃើញព្រះសង្ឃស្តីបន្ទោសថា មិនចេះ
ខេត្តស្វាយរៀង ៖ យុវជនម្នាក់កើតរោគសរសៃប្រសាទចេះតែស្រមើស្រមៃឃើញឪពុកស្តីបន្ទោសពេលញ៉ាំបាយ ឃើញជីតាស្តីបន្ទោសថា ដើរគេចសាលាមិនចូលរៀន និងឃើញព្រះសង្ឃស្តីបន្ទោសថា មិនចេះធ្វើបុណ្យទាន់ខ្លួននៅក្មេង មានអារម្មណ៍តូចចិត្តក៏យកកាំបិតចុងស្រួចចាក់ពោះខ្លួនឯងធ្លាយពោះវៀន។
ហេតុការណ៍នេះបានបង្កឱ្យមានការភ្ញាក់ផ្អើល កាលពីវេលាម៉ោង៧យប់ ថ្ងៃទី១១ សីហា ២០១៥ នៅភូមិត្រពាំងក្តោល ឃុំម៉ឺនជ័យ ស្រុករំដួល។ បើតាមបុរសជាឪពុកបានឲ្យដឹងថា ជនរងគ្រោះឈ្មោះប៉ែន គា ភេទប្រុស អាយុ១៦ឆ្នាំ ជាសិស្ស មានទីលំនៅក្នុងភូមិកើតហេតុខាងលើ។
បុរសជាឪពុកបានឱ្យដឹងទៀតថា យុវជនរងគ្រោះកន្លងមក មានសតិធម្មតា ក្រោយមកមានជម្ងឺក្តៅខ្លួនខ្លាំងពេលព្យាបាលជាក៏ស្រាប់តែមានជម្ងឺសរសៃប្រសាទ ភ្លេចភ្លាំង និងខុសប្រកតីចេះតែនិយាយម្នាក់ឯង ។ មុនពេលកើតហេតុជនរងគ្រោះបានទៅសម្ងំដេកក្នុងផ្ទះមិននិយាយស្តីអ្វីទាំងអស់ ហើយយកកាំបិតចុងស្រួចចាក់ពោះខ្លួនឯងប៉ុនប៉ងសម្លាប់ខ្លួន ឃើញដូច្នេះបុរសជាឪពុកក៏ស្ទុះចូលទៅចាប់យកកាំបិតចេញ និងនាំគ្នាចាប់លើកដាក់រថយន្តដឹកមកមន្ទីរពេទ្យខេត្តដើម្បីសង្គ្រោះ ក៏ប៉ុន្តែដោយមុខរបួសធ្ងន់ធ្ងរពេកគ្រូពេទ្យក៏បញ្ជូនទៅភ្នំពេញជាបន្ទាន់៕
ចែករំលែកព័តមាននេះ