ក្រុងការ៉ាកាស ៖ តាមទិន្នន័យពីសភាយានយន្តវ៉េណេស៊ុយអេឡាបង្ហាញថា ការលក់រថយន្តប្រចាំឆ្នាំបានធ្លាក់ចុះ៨,៨% ធៀបនឹងអំឡុងពេលដូចគ្នាកាលពីឆ្នាំទៅ និងលក់ដាច់បានសរុបចំនួន១.៤៤៦គ្រឿងក្នុងខែកក្កដា។
ក្រុងការ៉ាកាស ៖ តាមទិន្នន័យពីសភាយានយន្តវ៉េណេស៊ុយអេឡាបង្ហាញថា ការលក់រថយន្តប្រចាំឆ្នាំបានធ្លាក់ចុះ៨,៨% ធៀបនឹងអំឡុងពេលដូចគ្នាកាលពីឆ្នាំទៅ និងលក់ដាច់បានសរុបចំនួន១.៤៤៦គ្រឿងក្នុងខែកក្កដា។ តួលេខនេះបានបង្ហាញពីភាពរួញខ្លីគួរឲ្យកត់សម្គាល់ពីកំណើន៧៣% ក្នុងខែមិថុនា ។
ចំណែកក្នុងអំឡុងពេល១២ខែគិតមកត្រឹមខែកក្កដា ការលក់រថយន្តសម្រេចបាន២៦.៣០៤គ្រឿង ដែលមានកម្រិតទាបជាងរយៈពេលដូចគ្នាកាលពីឆ្នាំទៅរហូតដល់ទៅ៣៨,៤% (ធ្លាក់ចុះ៤៦,៩% ពីមួយឆ្នាំទៅមួយឆ្នាំក្នុងខែមិថុនា) ។ រីឯទីផ្សារលក់ទាំងអម្បាលមាណនាពេលបច្ចុប្បន្ន ទើបតែស្ថិតក្នុងកម្រិតខ្ពស់ជាមួយនឹងបរិមាណចុះបញ្ជីបាន៤៩១.៨៩៩គ្រឿងក្នុងប្រតិទិនឆ្នាំ២០០៧ ។ ភាពខ្វះខាតក្នុងការផ្គត់ផ្គង់ឲ្យបានសមល្មម និងគ្រប់គ្រាន់គឺមកពីការរឹតត្បិតរបស់រដ្ឋាភិបាលទាំងនៅលើផ្នែករោងចក្រដំឡើង និងបណ្តាអ្នកនាំចូលនានា ជាហេតុនាំឲ្យរំខានដល់ការលក់រថយន្តក្នុងអំឡុងពេលប៉ុន្មានឆ្នាំថ្មីៗនេះ ។
ទោះជាយ៉ាងណា សេដ្ឋវិទូរបស់គេហទំព័របរទេសមួយបានវាយតម្លៃដោយរំពឹងថា ការប្រើប្រាស់ឯកជនដែលគេជ្រើសយក ឬចាត់ចូលការលក់រថយន្តផងដែរនោះនឹងធ្លាក់ចុះ៤,៨%ក្នុងឆ្នាំ២០១៥ ដែលធ្លាក់ចុះ០,១ពិន្ទុពីការប៉ាន់ប្រមាណកាលពីខែមុន ។ ចំណែកក្នុងឆ្នាំ២០១៦ នឹងពង្រីកបាន០,៧% ៕
ចែករំលែកព័តមាននេះ