រាជធានីភ្នំពេញ ៖ បុរសចាប់អាជីពជាអ្នកកត់កន្ទុយលេខម្នាក់ត្រូវបានប៉ូលិសប៉ុស្តិ៍ទឹកថ្លាចាប់ខ្លួននៅពេលកំពុងអង្គុយកត់កន្ទុយលេខកាលពីវេលាម៉ោង៣ និង៣០នាទីរសៀល ថ្ងៃទី៩ ខែសីហា ឆ្នាំ២០១៥
រាជធានីភ្នំពេញ ៖ បុរសចាប់អាជីពជាអ្នកកត់កន្ទុយលេខម្នាក់ត្រូវបានប៉ូលិសប៉ុស្តិ៍ទឹកថ្លាចាប់ខ្លួននៅពេលកំពុងអង្គុយកត់កន្ទុយលេខកាលពីវេលាម៉ោង៣ និង៣០នាទីរសៀល ថ្ងៃទី៩ ខែសីហា ឆ្នាំ២០១៥ តាមបណ្តោយផ្លូវលេខ១៣ ក្រុម១ ភូមិសេប៉េសេ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ក្រោយពីចាប់ខ្លួន បុរសរូបនេះត្រូវបានប៉ូលិសប៉ុស្តិ៍បញ្ជូនទៅអធិការដ្ធានខណ្ឌសែនសុខភ្លាមៗ ជាមួយនឹងវត្ថុតាងរួមទាំងលុយដកហូតចំនួន២លានរៀល និង៤០ដុល្លាផងដែរ។
ប្រភពព័ត៌មានពីមន្ត្រីប៉ូលិសខណ្ឌសែនសុខបានឲ្យដឹងថា បុរសចាប់ខ្លួននេះមានឈ្មោះ យិន គឹមហួត ហៅពេជ្រ អាយុ២៤ឆ្នាំ ស្នាក់នៅសង្កាត់ទឹកថ្លា ។
គួរបញ្ជាក់ថា នៅមូលដ្ធានខណ្ឌសែនសុខល្បែងស៊ីសងបានកំពុងរីកដូចផ្សិត ខណៈអាជ្ញាធរមានសង្កាត់ រហូតដល់ខណ្ឌមិនសូវជាយកចិត្តទុកដាក់បង្ក្រាប ។
អ្នកភូមិរស់សែនសុខបាននិយាយថា ល្បែងកន្ទុយលេខកើតសឹងគ្រប់ទីកន្លែងតាមភូមិនានាជាពិសេសនៅទីប្រជុំជន(ផ្សារ) ចំណែកឯល្បែងហ្គេមបាញ់ត្រីវិញបានកើតឡើងនៅតាមផ្លូវ៥៩៨(ត្រឡោកបែក) សង្កាត់ទឹកថ្លាចំនួន២កន្លែងទាំងយប់ទាំងថ្ងៃ មិនដែលឃើញអាជ្ញាធរអើពើបង្ក្រាបនោះទេ។ ជាមួយគ្នានោះដែរ មេកន្ទុយលេខនៅភូមិត្រពាំងស្វាយ និងភូមិសែនសុខដុះស្លែ នៅសង្កាត់ឃ្មួញ ក៏មិនឃើញបង្ក្រាបដែរ ប្រហែលដាក់ខែអស់ហើយមើលទៅ?
ចែករំលែកព័តមាននេះ