រាជធានីភ្នំពេញ ៖ សេចក្តីរាយការណ៍បានឱ្យដឹងថា រថយន្តកូរ៉ូឡាមួយគ្រឿង ពណ៌ទឹកសមុទ្រ ពាក់ស្លាកលេខភ្នំពេញ២D៤៤៣៥ ដែលម្ចាស់ចតចោលមុខផ្ទះឆន សុវណ្ណរាជ កាត់ដេរតាមផ្លូវឧកញ៉ាទេព ផន
រាជធានីភ្នំពេញ ៖ សេចក្តីរាយការណ៍បានឱ្យដឹងថា រថយន្តកូរ៉ូឡាមួយគ្រឿង ពណ៌ទឹកសមុទ្រ ពាក់ស្លាកលេខភ្នំពេញ២D៤៤៣៥ ដែលម្ចាស់ចតចោលមុខផ្ទះឆន សុវណ្ណរាជ កាត់ដេរតាមផ្លូវឧកញ៉ាទេព ផន ស្ថិតក្នុងសង្កាត់ទឹកល្អក់៣ ត្រូវដើមឈើមួយដើមរលំសង្កត់ពីលើបណ្តាលឱ្យរងការខូចខាតក្រពិតដំបូល និងបង្កឱ្យកកស្ទះចរាចរណ៍យ៉ាងណែនណាន់តាន់តាប់នៅក្បែរស្តុប២៦១។
ហេតុការណ៍នេះបានកើតឡើងកាលពីវេលាម៉ោងជាង៤រសៀល ថ្ងៃទី៣០ កក្កដា ២០១៥។
បើតាមម្ចាស់រថយន្តបានឱ្យដឹងថា មុនពេលកើតហេតុគាត់បានចតរថយន្តមុខផ្ទះបែរក្បាលទៅលិច បានប្រមាណជា១ម៉ោងក្រោយមកស្រាប់តែដើមឈើដែលមានទំហំប៉ុនខ្លួនកូនក្មេងរលើងទាំងប្ញសរលំសង្កត់លើរថយន្តរបស់គាត់តែម្តង ។
គួរបញ្ជាក់ថា មុនពេលដើមឈើរលំមានភ្លៀង និងខ្យល់យ៉ាងខ្លាំង។ ពេលនេះមន្ត្រីប៉ូលិស និងសណ្តាប់ធ្នាប់សង្កាត់បាននាំគ្នាជួយកាត់ដើមឈើនោះដើម្បីសម្រួលចរាចរណ៍ឡើងវិញ ៕
ចែករំលែកព័តមាននេះ