ខេត្តកំពង់ធំ ៖ កូនប្រសាប្រុសម្នាក់ស្រវឹងស្រាជោកជាំ តណ្ហាឡើងដល់កំពូលចាប់ម្តាយក្មេកអាយុ៨២ឆ្នាំរំលោ.ភរហូតបានសម្រេច ត្រូវបានសមត្ថកិច្ចចាប់ឃាត់ខ្លួន កាលពីរសៀលថ្ងៃទី២៧ កក្កដា ២០១៥ នៅលើផ្ទះលោកយាយម្តាយក្មេក
ខេត្តកំពង់ធំ ៖ កូនប្រសាម្នាក់ស្រវឹងស្រាជោកជាំ តណ្ហាឡើងដល់កំពូលបានចាប់ម្តាយក្មេកអាយុ៨២ឆ្នាំរំលោភរហូតបានសម្រេច ត្រូវបានសមត្ថកិច្ចចាប់ឃាត់ខ្លួន កាលពីរសៀលថ្ងៃទី២៧ កក្កដា ២០១៥ នៅលើផ្ទះលោកយាយម្តាយក្មេក ស្រុកបារាយណ៍ ។
ជនសង្ស័យជាកូនប្រសាឈ្មោះ កុយ ផល អាយុ៣៧ឆ្នាំ រស់នៅជាមួយម្តាយក្មេក ក្នុងភូមិឃុំកើតហេតុខាងលើ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងថា មុនពេលកើតហេតុ ជនសង្ស័យនិងមិត្តភក្តិនាំគ្នាផឹកស៊ីនៅក្នុងភូមិស្រវឹងជោកជាំ ក្រោយមកក៏បែកគ្នាទៅផ្ទះរៀងៗខ្លួន ពេលមកដល់ផ្ទះជនសង្ស័យកើតមានចំណង់ផ្លូវភេទពុះកញ្ជ្រោល ហើយគាប់ជួនប្រពន្ធនិងកូនៗមិននៅផ្ទះផង ស្រវាំងភ្នែកឃើញម្តាយក្មេកក៏ចាប់រំលោភរហូតបានសម្រេច ដោយបានគំរាមម្តាយថា បើម៉ែហានស្រែកនឹងសម្លាប់ចោល ។
ក្រោយពីកើតហេតុ កូនស្រីបង្កើតរបស់លោកយាយរងគ្រោះមកដល់ គាត់ក៏រៀបរាប់ប្រាប់កូនស្រីពីរឿងកូនប្រសាចាប់រំលោភ ពេលឮដូច្នេះ កូនស្រីខឹងយ៉ាងខ្លាំងក៏ទៅប្តឹងមន្ត្រីកងរាជអាវុធហត្ថស្រុក ដែលនៅក្បែរនោះ ។
ក្រោយពីទទួលបានពាក្យបណ្តឹង លោក សេង សំ មេបញ្ជាការរងកងរាជអាវុធហត្ថស្រុកបារាយណ៍ ក៏បានដឹកនាំកម្លាំងចុះទៅចាប់ឃាត់ខ្លួនជនសង្ស័យមកសាកសួរ នៅចំពោះមុខសមត្ថកិច្ច ដោយសារអំណាចឥទ្ធិពលគ្រឿងស្រវឹងជោកជាំពេក ជនសង្ស័យនិយាយមិនដឹងខុសត្រូវនោះទេ ។
ចំណែកលោកយាយជាម្តាយក្មេក និងជាជនរងគ្រោះបាននិយាយថា កូនប្រសាឈាមខ្មៅនេះពិតជាបានចាប់គាត់រំលោភប្រាកដមែន ថែមទាំងប្រើក្បាច់ពិសេសៗតាមអំពើចិត្តវា និងបានគំរាមសម្លាប់គាត់ចោលទៀត បើសិនណាហានស្រែកឲ្យគេជួយ ។
បន្ទាប់ពីកើតហេតុ លោកយាយរងគ្រោះដេកព្យួរសេរ៉ូមនៅក្នុងផ្ទះ ចំណែកជនសង្ស័យ សមត្ថកិច្ចរង់ចាំដល់ស្វាងស្រា នឹងធ្វើការសាកសួរបន្តទៀត ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ