ខេត្តឧត្តរមានជ័យ ៖ សមាជិកសហគមន៍ព្រៃឈើសង្ឃរុក្ខវ័នបានឃាត់ខ្លួនព្រានព្រៃបរបា.ញ់សត្វ៣នាក់ កាលពីរំលងអធ្រាត្រឈានចូលថ្ងៃទី២៣ កក្កដា ២៩១៥ ស្ថិតនៅក្នុងសហគមន៍ព្រៃឈើសង្ឃរុក្ខវ័ន
ខេត្តឧត្តរមានជ័យ ៖ សមាជិកសហគមន៍ព្រៃឈើសង្ឃរុក្ខវ័នបានឃាត់ខ្លួនព្រានព្រៃបរបាញ់សត្វ៣នាក់ កាលពីរំលងអធ្រាត្រឈានចូលថ្ងៃទី២៣ កក្កដា ២៩១៥ ស្ថិតនៅក្នុងសហគមន៍ព្រៃឈើសង្ឃរុក្ខវ័ន ភូមិឈូកមាស សង្កាត់កូនគ្រៀល ក្រុងសំរោង ។
ព្រះគ្រូឧត្តមណី ប៊ុន សាលួត ប្រធានព្រៃសហគមន៍សង្ឃរុក្ខវ័ន មានសង្ឃដីកាថា នៅខេត្តឧត្តរមានជ័យនេះ សហគមន៍ព្រៃឈើមានច្រើនកន្លែង ប៉ុន្តែសមាជិកការពារព្រៃសហគមន៍ការពារមិនឈ្នះ ដោយសារតែមនុស្សមានអំណាច លុយកាក់មួយចំនួន បានឱ្យពលរដ្ឋក្រីក្រចូលកាប់ឈើក្នុងដែនព្រៃសហគមន៍នៅពេលយប់ ដើម្បីយកមកលក់ឲ្យពួកខ្លួនក្នុងតម្លៃថោក ម្យ៉ាងទៀត ដោយសារតែពួកអ្នកមានអំណាចលុយកាត់ទាំងនោះ គិតប្រយោជន៍ផ្ទាល់ខ្លួនធំជាងប្រយោជន៍ជាតិ ។
ព្រះគ្រូឧត្តមណីមានសង្ឃដីកាបន្តថា បើតាមការសង្កេតនៅតំបន់ព្រៃសហគមន៍ មានសហគមន៍ខ្លះមានតែឈ្មោះ ចំណែកព្រៃឈើសហគមន៍ខ្លះគ្រាន់តែនៅសល់ឈើបន្តិចបន្តួច រីឯព្រៃសហគមន៍មួយចំនួនទៀតត្រូវបានគេបំផ្លាញគ្មានសល់ ។ ចំណែកព្រៃសហគមន៍សង្ឃរុក្ខវ័ននេះ ព្រះគ្រូឧត្តមណី ប៊ុន សាលួត ជាប្រធាន និងមានសមាជិកចូលរួមការពារព្រៃឈើ ដោយដើរល្បាតក្នុងព្រៃទាំងយប់ថ្ងៃ ទើបព្រៃសហគមន៍នេះនៅមានសល់ឈើបាន៨០% ហើយមានសត្វគ្រប់ប្រភេទបាននាំគ្នារត់មកជ្រកកោនជាច្រើនត្រូវបានអភិរក្ស ។
ព្រះគ្រូឧត្តរមណី មានសង្ឃដីកាបញ្ជាក់ថា កាលពីវេលារំលងអធ្រាត្រឈានចូលថ្ងៃទី២៣ កក្កដា ក្រុមការពារព្រៃឈើ និងអភិរក្សសត្វព្រៃបានដើរល្បាតព្រៃក៏ជួបក្រុមព្រានព្រៃដើរបរបាញ់សត្វក៏ឃាត់ខ្លួនបាន៣នាក់ និងដកហូតវត្ថុតាង មាន កាំភ្លើងកែច្នៃ២ដើម ពូចៅ១ កាំបិទ១ និងសត្វឈ្លូស១ក្បាល ។
ជនសង្ស័យទាំង៣នាក់ រួមនឹងវត្ថុតាង ត្រូវបានកម្លាំងការពារព្រៃឈើកសាងសំណុំរឿងបញ្ជូនទៅសាលាដំបូងខេត្ត ចាត់ការតាមផ្លូវច្បាប់ ៕
ចែករំលែកព័តមាននេះ