រាជធានីភ្នំពេញ ៖ កាលពីវេលាម៉ោង៤ និង៣០នាទីល្ងាច ថ្ងៃទី២២ កក្កដា ២០១៥នេះ កម្លាំងកងរាជអាវុធហត្ថខណ្ឌមានជ័យ ដឹកនាំដោយលោកវរសេនីយ៍ទោ ហែម រិទ្ធី មេបញ្ជាការកងរាជអាវុធហត្ថខណ្ឌ និងមានការសហការចូលរួមពីកម្លាំងអាវុធហត្ថការិយាល័យប្រឆាំងគ្រឿងញៀ.នក្រុង
រាជធានីភ្នំពេញ ៖ កាលពីវេលាម៉ោង៤ និង៣០នាទីល្ងាច ថ្ងៃទី២២ កក្កដា ២០១៥នេះ កម្លាំងកងរាជអាវុធហត្ថខណ្ឌមានជ័យ ដឹកនាំដោយលោកវរសេនីយ៍ទោ ហែម រិទ្ធី មេបញ្ជាការកងរាជអាវុធហត្ថខណ្ឌ និងមានការសហការចូលរួមពីកម្លាំងអាវុធហត្ថការិយាល័យប្រឆាំងគ្រឿងញៀនក្រុង បានបើកប្រតិបត្តិការចុះបង្ក្រាបមុខសញ្ញាជួញដូរ និងប្រើប្រាស់គ្រឿងញៀន នៅចំណុចទីតាំងលួចលាក់បើកហ្គេមបាញ់ត្រីខុសច្បាប់មួយកន្លែងដែលមានទីតាំងនៅផ្ទះលេខ២៣៨ ក្រុម៤ ភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ ។
ក្នុងការចុះបង្ក្រាបខាងលើនេះធ្វើឡើងដោយមានការសម្របសម្រួល និងឯកភាពពីព្រះរាជអាជ្ញារងអមសាលាដំបូងរាជធានីភ្នំពេញ លោកស្រីខាំ សុផារី ហើយជាលទ្ធផលជាក់ស្តែងកម្លាំងអាវុធហត្ថបានធ្វើការឃាត់ខ្លួនមនុស្សចំនួន១១នាក់(ក្នុងនោះស្រីម្នាក់) ដកហូតបានម៉ូតូ៤គ្រឿង ទី១-ម៉ាកស្កុបពី ស៊េរីឆ្នាំ២០១៥ ពណ៌ស ពាក់ស្លាកលេខ ភ្នំពេញ 1FC-7485, ទី២-ម៉ាកអ៊ែរប្លែត ពណ៌ឈាមជ្រូកលាយខ្មៅ ពាក់ស្លាកលេខ ភ្នំពេញ 1BD-1189, ទី៣-ម៉ាក SL ពណ៌ទឹកប្រាក់ ពាក់ស្លាកលេខ កំពង់ស្ពឺ 1B-7774 និងទី៤-ម៉ាកសង់កូរ៉េ ពណ៌ក្រហម គ្មានស្លាកលេខ, គ្រឿងញៀន១កញ្ចប់ និងឧបករណ៍ប្រើប្រាស់មួយចំនួនធំទៀតផងដែរ ។
ក្រោយការឃាត់ខ្លួន ជនទាំង១១នាក់ និងវត្ថុតាង ត្រូវបានបញ្ចូនទៅកាន់ទីបញ្ជាការដ្ឋានកងរាជអាវុធហត្ថរាជធានីភ្នំពេញដើម្បីសាកសួរន្ថែម ។
លោកវរសេនីយ៍ទោ ហែម រិទ្ធី មេបញ្ជាការកងរាជអាវុធហត្ថខណ្ឌមានជ័យ បានប្រាប់ឱ្យដឹងថា មុនឈានដល់ការចុះបង្ក្រាប គឺកម្លាំងរបស់ខណ្ឌមានជ័យបានតាមដានទីតាំងលួចលាក់លេងហ្គេមបាញ់ត្រីខុសច្បាប់ខាងលើជាយូរមកហើយ ដោយកន្លងមកធ្លាប់ទទួលដំណឹងថា មានការជួញដូរថ្នាំញៀនខុសច្បាប់នៅទីតាំងមួយនេះផងដែរ ។ ទើបនៅវេលាល្ងាចថ្ងៃទី២២ កក្កដានេះ កម្លាំងអាវុធហត្ថខណ្ឌមានជ័យ ដោយមានការសហការចូលរួមពីកម្លាំងអាវុធហត្ថក្រុង និងមានការសម្របសម្រួលពីព្រះរាជអាជ្ញាររងអមសាលាដំបូងរាជធានី បានចុះធ្វើការបង្ក្រាបបានជាក់ស្តែងតែម្តងទៅ ។
លោកមេបញ្ជាការបន្តទៀតថា នៅពេលដែលកម្លាំងយើងចុះបង្ក្រាប កម្លាំងយើងបានរកឃើញថ្នាំញៀន១កញ្ចប់នៅលើខ្លួនជនសង្ស័យម្នាក់ក្នុងចំណោមមនុស្សទាំង១១នាក់ ។ ចំណែក១០នាក់ទៀត មាន២នាក់ជាអ្នកមើលការខុសត្រូវទីតាំងហ្គេមបាញ់ខាងលើ និង៨នាក់ជាអ្នកលេង ប៉ុន្តែ៨នាក់នេះមិនទាន់ដឹងថា មានពាក់ព័ន្ធនឹងគ្រឿងញៀន ឬយ៉ាងណានោះទេ តែត្រូវឃាត់ខ្លួនយកទៅសួរនាំជាជំហានដំបូងសិន ។
ចំពោះទីតាំងហ្គេមបាញ់ត្រីខាងលើវិញ ដោយទទួលបានគោលការណ៍ពីលោកព្រះរាជអាជ្ញារង កម្លាំងអាជ្ញាធរបានបិទទ្វារអាជីវកម្មជាបណ្តោះអាសន្នសិន រង់ចាំបើកការស៊ើបអង្គេតបន្ថែមទៀតនៅពេលក្រោយ ៕
ចែករំលែកព័តមាននេះ