រាជធានីភ្នំពេញ ៖ នាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ ដោយមានការសម្របសម្រួលពីលោក គង់ សំណារេត ព្រះរាអាជ្ញារងអមសាលាដំបូងរាជធានីភ្នំពេញ
រាជធានីភ្នំពេញ ៖ នាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ ដោយមានការសម្របសម្រួលពីលោក គង់ សំណារេត ព្រះរាអាជ្ញារងអមសាលាដំបូងរាជធានីភ្នំពេញ បានចុះទៅបង្ក្រាបផ្ទះម៉ាស្សាកោសជប់ដែលមានបង្កប់ជួញដូរផ្លូវភេទមួយកន្លែងយីហោ៨៨៨ ស្ថិតនៅតាមផ្លូវលេខ២៧១ សង្កាត់ទួលទំពូង២ ខណ្ឌចំការមន កាលពីវេលាម៉ោង៦ និង២០នាទីព្រលប់ថ្ងៃទី២៩ មិថុនា ឃាត់ខ្លួនថៅកែផ្ទះម៉ាស្សា២នាក់ប្តីប្រពន្ធ និងឃាត់ស្ត្រីរងគ្រោះចំនួន៨នាក់យកទៅសាកសួរ។
ពីរនាក់ប្តីប្រពន្ធដែលជាថៅកែផ្ទះម៉ាស្សាកោសជប់ជួញដូរផ្លូវភេទមានឈ្មោះចិត ភេទប្រុស អាយុ៤២ឆ្នាំ និងប្រពន្ធឈ្មោះ យុង ឆួន អាយុ៣៦ឆ្នាំ ។
សមត្ថកិច្ចបានឲ្យដឹងថា ដោយមានការតាមដានប្រើកម្លាំងជំនាញយូរមកហើយបានដឹងថា ផ្ទះម៉ាស្សាកោសជប់មានបង្កប់ជួញដូរផ្លូវភេទទើបកម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃឆ្មក់ចូលទៅបង្ក្រាបបានទាំងសំបុកតែម្តង និងធ្វើការដកហូតបានស្រោមអនាម័យមួយចំនួនផងដែរ ៕
ចែករំលែកព័តមាននេះ