ខេត្តព្រះសីហនុ ៖ សពជនបរទេសមិនស្គាល់អត្តសញ្ញាណម្នាក់ ត្រូវប្រជាពលរដ្ឋប្រទះឃើញស្លាប់កប់ខ្សាច់ជិតពាក់កណ្តាលខ្លួន បង្កឱ្យភ្ញាក់ផ្អើលកាលពីវេលាម៉ោង០៥ និង៥០នាទីព្រឹកថ្ងៃទី១៧ មិថុនា ២០១៥ ស្ថិតនៅចំណុចឆ្នេរអារីស្តុន ក្នុងក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ ។
យោងតាមប្រភពពីសមត្ថកិច្ចឱ្យដឹងថា សាកសពមិនត្រូវបានទាន់ស្គាល់អត្តសញ្ញាណទេ មានស្លៀកខោខ្លីពណ៌ខ្មៅ ពុំមានអាវនោះទេ ។ រហូតមកដល់វេលាម៉ោង១១ថ្ងៃត្រង់ថ្ងៃដដែល សមត្ថកិច្ចកំពុងធ្វើស្រាវជ្រាវតាមផ្ទះសំណាក់ សណ្ឋាគារ និងផ្ទះជួលនៅក្បែរនោះ ។
ជុំវិញករណីនេះដែរ ប្រជាពលរដ្ឋម្នាក់ដែលមានតូបក្បែរនោះបានឱ្យដឹងថា សពនេះគេសង្ស័យថា ស្លាប់ដោយសារស្រវឹងស្រា ហើយគាំងបេះដូងស្លាប់នៅចន្លោះម៉ោង០៨យប់ថ្ងៃទី១៦ មិថុនា ២០១៥ ព្រោះកាលពីព្រលប់នៅចំណុចនេះ ពុំបានឃើញសពនោះទេ ហើយក៏ពុំមានមនុស្សណាម្នាក់មកងូតទឹកម្តុំនោះដែរ ។
ចែករំលែកព័តមាននេះ