រាជធានីភ្នំពេញ ៖ មានការភ្ញាក់ផ្អើលមួយបានកើតឡើងដោយសារតែមានក្មេងស្ទាវ២ក្រុម ដេញវាយគ្នាលើសួនច្បារមុខកាស៊ីណូណាហ្គា បណ្តាលឱ្យក្មេងស្ទាវមួយក្រុមរងរបួសបែកក្បាល និងដៃចំណែកឯម្ខាងទៀតបានរត់គេចខ្លួនបាត់ ដែលហេតុការនេះ បាន
រាជធានីភ្នំពេញ ៖ មានការភ្ញាក់ផ្អើលមួយបានកើតឡើងដោយសារតែមានក្មេងស្ទាវ២ក្រុម ដេញវាយគ្នាលើសួនច្បារមុខកាស៊ីណូណាហ្គា បណ្តាលឱ្យក្មេងស្ទាវមួយក្រុមរងរបួសបែកក្បាល និងដៃចំណែកឯម្ខាងទៀតបានរត់គេចខ្លួនបាត់ ដែលហេតុការនេះ បានកើតឡើងកាលពីវេលាម៉ោង៣ទៀបភ្លឺថ្ងៃទី១៦ មិថុនា ២០១៥ នេះ ស្ថិតនៅចំណុចផ្លូវភ្លោះមុខកាស៊ីណូណាហ្គា ក្នុងសង្កាត់ទន្លេបាសាក់ ខណ្ឌចំការមន ។
បើតាមសាក្សីដែលឃើញហេតុការណ៍នេះឱ្យដឹងថា មុនពេលកើតហេតុ គេឃើញក្រុមក្មេងស្ទាវមួយក្រុម ជិះម៉ូតូ៣គ្រឿងមិនចាំម៉ាកមានគ្នាប្រហែល៨នាក់ មានប្រុសមានស្រីផងចូលមកអង្គុយញ៉ាំអីលេងនៅកន្លែងកើតហេតុ ស្រាប់តែមួយស្របក់ក្រោយមក ក៏មានក្មេងស្ទាវមួយក្រុមទៀត បានដើរសំដៅមកកន្លែងដែលក្រុមក្មេងស្ទាវទី១កំពុងតែអង្គុយញ៉ាំអីនោះ ហើយធ្វើសកម្មភាពដេញវាយគ្នាតែម្តងទៅ ។
ក្រោយពេលកើតហេតុ ខាងក្រុមបង្កបានរត់គេចខ្លួនបាត់ស្រមោលអស់ ចំណែកឯខាងក្រុមជនរងគ្រោះ ក៏មិនបានទៅដាក់ពាក្យបណ្តឹងអ្វីដែរ គឺបានជិះម៉ូតូឌុបគ្នាទៅព្យាបាលរបួសនៅមន្ទីរពេទ្យឯកជនដោយខ្លួនឯងបាត់ទៅ
គួរកត់សម្គាល់ថា ទីកន្លែងនោះ ជារឿយៗតែងតែមានក្រុមក្មេងស្ទាវដេញវាយគ្នាវាយប្លន់យកទ្រព្យសម្បត្តិ ។ល។ ត្រូវប្រជាពលសុំសំណូមពរដល់អាជ្ញាធរមានសមត្ថកិច្ច មេត្តាជួយរឹតបន្តឹងសន្តិសុខនៅទីកន្លែងនោះផង ហើយជាពិសេសគឺអ្នកលក់ដូរនៅម្តុំនោះតែម្តង ដែលជាបក្សពួកតែមួយជាមួយនិងក្រុមក្មេងស្ទាវ ដែលសកម្មក្នុងការវាយប្លន់យកទ្រព្យសម្បតិ្តអ្នកដទៃនោះ ។
ចែករំលែកព័តមាននេះ