ខេត្តកំពង់ចាម ៖ គ្រោះថ្នាក់ចរាចរណ៍មួយកើតឡើង ខណៈរថយន្តម៉ាកសាំយ៉ុងដឹកចំណីសត្វមួយគ្រឿង បានក្រឡាប់ផ្ងារជើង បន្ទាប់ពីបែកកង់ធ្លាក់លើផ្លូវ តែសំណាងល្អមិនមានមនុស្សរងរបួសនោះទេ គ្រាន់តែរថយន្តត្រូវបានរងការខូចខាតយ៉ាងដំណំ ដែលហេតុការណ៍នេះកើតឡើងកាលពីវេលាម៉ោង០៤ និង៣៥នាទីរសៀលថ្ងៃទី២៨ ឧសភា ២០១៥ នេះ ស្ថិតនៅចំណុចភូមិតាកុច ឃុំស្រងែ ស្រុកព្រៃឈរ ។
បើតាមលោកវរសេនីយ៍ត្រី កែវ ស៊ាងហ៊ាន់ អធិការនគរបាលស្រុកព្រៃឈរបានឱ្យដឹងថា នៅមុនពេលកើតហេតុ គេឃើញរថយន្តដឹកចំណីសត្វខាងលើ ធ្វើដំណើរចេញពីរាជធានីភ្នំពេញ ឆ្ពោះទៅខេត្តកំពង់ចាម លុះមកដល់ចំណុចកើតហេតុ ដោយមានល្បឿនលឿនផងនោះ ស្រាប់តែបែកកង់ ក៏បណ្តាលឱ្យធ្លាក់ពីលើផ្លូវម្ខាងក្រឡាប់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ