ខេត្តកោះកុង ៖ នៅរសៀលថ្ងៃទី២៦ ឧសភា ២០១៥ ប៉ូលិសព្រហ្មទណ្ឌនៃស្នងការនគរបាលខេត្ត បានឆែកឆេរលំនៅឋានមួយកន្លែង ដែលស្ថិតនៅចំណុចភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដែលផ្អែកតាមការស្រាវជ្រាវ
ខេត្តកោះកុង ៖ នៅរសៀលថ្ងៃទី២៦ ឧសភា ២០១៥ ប៉ូលិសព្រហ្មទណ្ឌនៃស្នងការនគរបាលខេត្ត បានឆែកឆេរលំនៅឋានមួយកន្លែង ដែលស្ថិតនៅចំណុចភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដែលផ្អែកតាមការស្រាវជ្រាវឃើញថា មានលាក់ឈើគ្រញូងខុសច្បាប់ ។
ការឆែកឆេរលំនៅឋានខាងលើ មានការចូលរួម និងដឹកនាំដោយលោកព្រះរាជអាជ្ញារងស្រី ម៉ាក់ នី រួមនិងប៉ូលិសព្រហ្មទណ្ឌជាច្រើនរូប ដែលដឹកនាំដោយលោកវរសេនីយ៍ឯកឃឹម សាលោ ស្នងការរងទទួលផែនកណ្តាលយុត្តិធម៌។
ការឆែកឆេរបានរកឃើញកំណាត់ឈើគ្រញូងប្រមាណ១២៧០គីឡូក្រាម និងត្រូវបានឃាត់ខ្លួនមនុស្ស២នាក់ជាម្ចាស់ឈើ ១-ឈ្មោះហោ ដេត ភេទប្រុស អាយុ៣៨ឆ្នាំ ជាមន្ត្រីកងទ័ពនៃតំបន់ប្រតិបត្តិការសឹកកោះកុង ២-ឈ្មោះជា ទឹត្យ ភេទប្រុស អាយុ២៥ឆ្នាំ ជាប្រជាជនរស់នៅក្នុងមូលដ្ឋានខាងលើ ។
ពេលនេះ សមត្ថកិច្ចកំពុងកសាងសំណុំរឿងបញ្ជូនទៅតុលាការ ។
ចែករំលែកព័តមាននេះ