ខេត្តព្រះសីហនុ ៖ បុរសម្នាក់បានស្លា.ប់ភា្លមៗ កាលពីវេលាម៉ោង០៨ និង៣៥នាទីយប់ថ្ងៃទី២៤ ឧសភា ២០១៥ នេះ ក្នុងហេតុការណ៍គ្រោះថ្នាក់ចរាចរណ៍មួយ រវាងរថយន្តបុកម៉ូតូអូសចំងាយប្រមាណ៥០ម៉ែត្រ ស្ថិតចំណុចនៅសាលាខេត្តព្រះសីហនុ ក្នុងភូមិ
ខេត្តព្រះសីហនុ ៖ បុរសម្នាក់បានស្លាប់ភា្លមៗ កាលពីវេលាម៉ោង០៨ និង៣៥នាទីយប់ថ្ងៃទី២៤ ឧសភា ២០១៥ នេះ ក្នុងហេតុការណ៍គ្រោះថ្នាក់ចរាចរណ៍មួយ រវាងរថយន្តបុកម៉ូតូអូសចំងាយប្រមាណ៥០ម៉ែត្រ ស្ថិតចំណុចនៅសាលាខេត្តព្រះសីហនុ ក្នុងភូមិ៥ សង្កាត់៤ ក្រុងព្រះសីហនុ ខេត្តព្រះសីហនុ ។
ប្រភពបានឱ្យដឹងថា រថយន្តបង្កត្រូវគេដឹងថា ជារបស់អង្គការកុមារកំព្រា House Family ម៉ាកហុងដា (ស៊ីអវី) ពាក់ស្លាកលេខ ONG202 2.303 បើកបរស្ត្រីម្នាក់ឈ្មោះ MARTINA KOL LAROVA ជនជាតិស្លូវ៉ាគី កាន់លិខិតឆ្លងដែនលេខBE 191 2522 មានទីតាំងស្ថិតនៅសង្កាត់លេខ២ ក្រុងព្រះសីហនុ ខេត្តព្រះសីហនុ ។ ចំណែកជនរងគ្រោះដែលស្លាប់ជាជាងម៉ូតូឈ្មោះខៀវ សុផា ភេទប្រុស អាយុ៣២ឆ្នាំ មានទីលំនៅក្នុងភូមិ០១ សង្កាត់លេខ២ ក្រុងព្រះសីហនុ ជិះម៉ូតូម្នាក់ឯងម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ 1BF-8742។
ដោយឡែកយោងតាមប្រភពពីសាក្សីនៅក្បែរកន្លែងកើតហេតុបានអះអាងដែរថា នៅមុនកើតហេតុ គេឃើញម៉ូតូជនរងគ្រោះជិះក្នុងទិសដៅពីកើត ទៅលិចម្នាក់ឯង ប៉ុន្តែមកដល់ចំណុចកើតហេតុ ស្រាប់តែរថយន្តម៉ាក CRV មួយគ្រឿង បើកបរដោយជនបរទេស បានរេចង្កូតមកបុកពេញទំហឹង គាបទាំងម៉ូតូទាំងមនុស្សនៅក្រោមរថយន្តចម្ងាយជាង១០ម៉ែត្រ បណ្តាលឱ្យជនរងគ្រោះស្លាប់ភ្លាមៗនៅកន្លែងកើតហេតុ។
ក្រោយពេលកើតហេតុ អ្នកបើករថយន្តបង្កត្រូវសមត្ថកិច្ចនាំទៅកាន់ការិយាល័យចរាចរណ៍ផ្លូវគោកខេត្ត រង់ចាំការដោះស្រាយ ។
ចែករំលែកព័តមាននេះ