ខេត្តកំពង់ធំ ៖ ផ្ទះឈើ២ខ្នងដំបូលប្រក់ក្បឿងស្ថិតនៅក្នុងភូមិកំពង់ថ្ម ឃុំកំពង់ថ្ម ស្រុកសន្ទុក ត្រូវត្រូវអគ្គិភ័យលេបត្របាក់អស់ទាំងស្រុង កាលពីវេលាម៉ោង៩ និង២០នាទីព្រឹក ថ្ងៃទី២៣ ឧសភា ២០១៥។
ខេត្តកំពង់ធំ ៖ ផ្ទះឈើ២ខ្នងដំបូលប្រក់ក្បឿងស្ថិតនៅក្នុងភូមិកំពង់ថ្ម ឃុំកំពង់ថ្ម ស្រុកសន្ទុក ត្រូវត្រូវអគ្គិភ័យលេបត្របាក់អស់ទាំងស្រុង កាលពីវេលាម៉ោង៩ និង២០នាទីព្រឹក ថ្ងៃទី២៣ ឧសភា ២០១៥។
ប្រភពព័ត៌មានពីម្ចាស់ផ្ទះឈ្មោះ គុន សំអុល អាយុ៦១ឆ្នាំ បានឲ្យដឹងថា គាត់មានប្រពន្ធឈ្មោះ យ័ន គឹម អាយុ៦០ឆ្នាំ មានកូន៤នាក់ រៀបការហើយ៣នាក់ និងមានសមាជិកទាំងអស់១១នាក់ដែលរស់នៅលើផ្ទះនេះ។
ផ្ទះរបស់គាត់ធ្វើអំពីឈើដំបូលប្រក់ក្បឿងទំហំ៨គុណ៦ម៉ែត្រ ។ នៅមុនពេលកើត រូបគាត់ និងក្រុមគ្រួសារ មួយចំនួនបាននៅក្រោមផ្ទះ និងខ្លះទៀតនៅផ្ទះបងប្អូនដែលនៅជិតនោះ ប្រហែលជាម៉ោង៩ជាងស្រាប់តែឮសម្លេងផ្ទុះផេសៗនៅក្នុងបន្ទប់ខាងលើផ្ទះ ហើយមានអណ្តាតភ្លើងឆេះសន្ធោសន្ធៅឡើង និងរាលដាលពេញផ្ទះតែម្តង ដោយពុំមាននរណាម្នាក់អាចឡើងយករបស់របរបាននោះទេ គឺអូសបានតែម៉ូតូ២គ្រឿងដែលនៅក្រោមផ្ទះប៉ុណ្ណោះ ចំណែកសម្ភារត្រូវភ្លើងឆេះទាំងអស់ រួមមានទូរទស្សន៍២គ្រឿង មាសប្រាក់មួយចំនួន និងលុយខ្មែរចំនួន៤៦លានរៀល លុយដុល្លារ៤៥ដុល្លារ ។
គាត់បញ្ជាក់ថា លុយខ្មែរទាំងអស់នេះគាត់ទើបតែដេញតុងទីនបានថាយកទៅសងបំណុលគេនៅព្រឹកថ្ងៃកើតហេតុនេះ តែចៃដន្យនៅពេលដែលគាត់ចេញទៅនោះភ្លេចយកលុយទៅជាមួយដើម្បីសងគេក៏ត្រូវភ្លើងឆេះអស់គ្មានសល់ ពេលនោះរថយន្តពន្លត់អគ្គិភ័យរបស់ស្នងការដ្ឋានខេត្តកំពង់ធំចំនួន២គ្រឿងទៅជួយអន្តរាគមន៏បាញ់ទឹកពន្លត់ ក៏ប៉ុន្តែទំរាំតែទៅដល់ផ្ទះទាំងមូលត្រូវបានព្រះអគ្គីលេបត្របាក់អស់ទៅហើយ។
នៅរសៀលថ្ងៃដដែលនោះដែរ លោក ពេជ សុធា អភិបាលស្រុកសន្ទុកក៏បាននាំយកអំណោយរបស់សាខាកាកបាទក្រហមស្រុកទៅជួយឧបត្ថម្ភរួមមាន អង្ករ៤០គីឡូក្រាម តង់១ កន្ទេល១ សារុង១ មុង១ ភួយ១ ក្រមា១ ឆ្នាំង២ ចាន៦ ស្លាបព្រា ចានដែកធំ១ ចានស្រាក់ ទឹកត្រី១យួរ ទឹកស៊ីអ៊ីវ១យួរ វែកបាយ វែកសម្ល ផ្តិលទឹក និងថវិកាចំនួន២០ម៉ឺនរៀល ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ