រាជធានីភ្នំពេញ ៖ បុរសបែកថ្នាំម្នាក់បានវាយកញ្ចក់រថយន្តចតស្ងៀមមួយគ្រឿងបែកខ្ទេច និងវាយកញ្ចក់ហាងកាត់សក់បែកអស់មួយផ្ទាំង ហើយវាយម៉ូតូរបស់ម្ចាស់ហាងមួយគ្រឿងទៀតផង កាលពីវេលាម៉ោង៨
រាជធានីភ្នំពេញ ៖ បុរសបែកថ្នាំម្នាក់បានវាយកញ្ចក់រថយន្តចតស្ងៀមមួយគ្រឿងបែកខ្ទេច និងវាយកញ្ចក់ហាងកាត់សក់បែកអស់មួយផ្ទាំង ហើយវាយម៉ូតូរបស់ម្ចាស់ហាងមួយគ្រឿងទៀតផង កាលពីវេលាម៉ោង៨និង៣០នាទីយប់ ថ្ងៃទី១៧ ឧសភា នៅចំណុចមុខហាងកាត់សក់យីហោពិសី ផ្ទះលេខ១០១ ផ្លូវលេខ១៤៦ សង្កាត់ផ្សារដេរប៉ូ២ ខណ្ឌទួលគោក ។
តាមម្ចាស់ហាងកាត់សក់ខាងលើមានឈ្មោះ ជា ពិសី ភេទស្រី អាយុ៣២ឆ្នាំ ស្នាក់នៅកន្លែងកើតហេតុខាងលើ បានឲ្យដឹងថា ជនបង្កស្នាក់នៅក្បែរកន្លែងកើតហេតុជាមនុស្សបែកថ្នាំតែងតែជេរប្រមាថអ្នកជិតខាងជារៀងរាល់ថ្ងៃ ។
មុនពេលកើតហេតុជនបង្កបានដើរទៅគោះទ្វារឲ្យបើក តែម្ចាស់ហាងមិនព្រមបើកឲ្យចូលឡើយ បន្តិចក្រោយមកបុរសបែកថ្នាំបានវាយកញ្ចក់បែក ហើយបានឈានទៅយកមែកស្វាយតូចមួយទៀតទៅវាយធ្វើឲ្យបែកខ្ទេចកញ្ចក់មួយផ្ទាំង ហើយបានដើរចូលទៅវាយម៉ូតូស្ទែប ពណ៌ខ្មៅលាយស ពាក់ស្លាកលេខ ភ្នំពេញ ១U ៨៨៩៩ មួយគ្រឿងទៀត ។
បន្ទាប់ពីវាយកញ្ចក់ និងម៉ូតូហើយ ជនបែកថ្នាំនោះបានរត់មកវាយកញ្ចក់រថយន្តម៉ាកATOZ ពណ៌ស ពាក់ស្លាកលេខ ភ្នំពេញ ២Q ៣៩២៩ មួយគ្រឿងចតនៅមុខហាងបែកកញ្ចក់ខ្ទេចអស់បណ្តាលឲ្យរយះដៃខ្លួនឯងទាំងសងខាង។
ក្រោយកើតហេតុ នគរបាលប៉ុស្ដិ៍ផ្សារដេរប៉ូ២បានមកដល់កន្លែងកើតហេតុ ហើយបាននាំខ្លួនបុរសបែកថ្នាំយកសួរនាំនៅប៉ុស្តិ៍ផ្សារដេររប៉ូ២ ខណ្ឌទួលគោក ហើយម្ចាស់ហាងកាត់សក់បានដាក់ពាក្យបណ្ដឹងទាមទារឲ្យដាក់កញ្ចក់ឲ្យថ្មីឡើងវិញ ដោយមិនយកជាលុយទេ៕
ចែករំលែកព័តមាននេះ