ខេត្តកណ្ដាល ៖ យុវជនម្នាក់ហេតុតែចង់បានប្រពន្ធពេកបានបង្ខំឲ្យម្ដាយទៅរកដណ្ដឹងឲ្យ ប៉ុន្តែម្ដាយមិនព្រម ព្រោះស្មានថាកូននិយាយលេង ណាមួយមិនសូវមានលុយផង ធ្វើឲ្យយុវជននោះតូចចិត្តយ៉ាងខ្លាំងគិតខ្លី
ខេត្តកណ្ដាល ៖ យុវជនម្នាក់ហេតុតែចង់បានប្រពន្ធពេកបានបង្ខំឲ្យម្ដាយទៅរកដណ្ដឹងឲ្យ ប៉ុន្តែម្ដាយមិនព្រម ព្រោះស្មានថាកូននិយាយលេង ណាមួយមិនសូវមានលុយផង ធ្វើឲ្យយុវជននោះតូចចិត្តយ៉ាងខ្លាំងគិតខ្លីលែងចង់រស់ បានសម្រេចចិត្តចង.កសម្លាប់ខ្លួនឯងបណ្ដាលឲ្យស្លាប់ភា្លមៗតាមបំណង និងបានធ្វើឱ្យក្រុមគ្រួសារ និងញាតិមិត្តជិតឆ្ងាយហួសចិត្តគ្រប់ៗគ្នា។
ហេតុការណ៍នោះបានកើតឡើងកាលពីវេលាម៉ោង១០យប់ ថ្ងៃទី១៦ ឧសភា ២០១៥ នៅចំណុចទួលអាម៉ាត់ ស្ថិតក្នុងភូមិរំលេច ឃុំទួលព្រេច ស្រុកអង្គស្នួល ខេត្តកណ្ដាល ។ យុវជនម្នាក់នោះឈ្មោះ ប៉េង មោក អាយុ២៥ឆ្នាំ មានទីលំនៅក្នុងភូមិឃុំខាងលើ មុខរបរកម្មកររោងចក្រកាត់ដេរ។
តាមប្រភពព័ត៌មានពីមន្ត្រីមួយរូបបានឲ្យដឹងថា នៅមុនពេលកើតហេតុ៣ថ្ងៃ យុវជនខាងលើនោះបានបង្ខំឲ្យម្ដាយចូលស្ដីដណ្ដឹងកូនក្រមុំគេម្នាក់ ដែលខ្លួនស្រលាញ់ និងមានបំណងយកនាងធ្វើជាប្រពន្ធឲ្យបាន ។ខណៈនោះ ស្ត្រីជាម្ដាយមិនបានអើពើឡើយ ព្រោះស្មានថាកូននិយាយលេង ម្យ៉ាងទៀតមិនសូវមានលុយផង លុះដល់ពេលកើតហេតុ ស្រាប់តែយុវជននោះបានចេញពីផ្ទះទៅកាន់ទួលខាងលើ ហើយបានធ្វើអត្តឃាតចង.កសម្លាប់ខ្លួនស្លាប់តែម្ដង។
ប្រពដដែលបានបន្តថា ខណៈនោះបានធ្វើឲ្យក្រុមគ្រួសារ និងសាច់ញាតិ មានការហួសចិត្តយ៉ាងខ្លាំង ព្រោះមិននឹកស្មានថា យុវជននោះគិតខ្លីបែបនេះសោះ ចំណែកស្ត្រីជាម្ដាយក៏មិនបានចាប់អារម្មណ៌ថា កូនប្រុសរបស់គាត់ម្នាក់នោះនិយាយមែនទែនចឹងដែរ ។
គាត់មានការសោកស្ដាយខ្លាំងណាស់ ព្រោះត្រូវបាត់បង់កូនប្រុសជាទីស្រលាញ់ម្នាក់បែបនេះ គាត់មិននឹកស្មានថា កូនប្រុសគិតខ្លីបែបនេះសោះ ៕
ចែករំលែកព័តមាននេះ