រាជធានីភ្នំពេញ ៖ យុវជនម្នាក់បានធ្វើសកម្មភាព ប្រើម្រាមដៃប្រទូស្ដកេរ្តិ៍ខ្មាស និងចាប់រំលោ.ភសេពសន្ថវៈ ទៅលើក្មេងស្រីអាយុ៩ឆ្នាំម្នាក់ រហូតបានសម្រេច កាលពី វេលាម៉ោង០១និង១០នាទី ថ្ងៃទី២ ឧសភា ២០១៥ នៅក្នុងភូមិក្រាំងក្រូច សង្កាត់ទៀន
រាជធានីភ្នំពេញ ៖ យុវជនម្នាក់បានធ្វើសកម្មភាព ប្រើម្រាមដៃប្រទូស្ដកេរ្តិ៍ខ្មាស និងចាប់រំលោភសេពសន្ថវៈ ទៅលើក្មេងស្រីអាយុ៩ឆ្នាំម្នាក់ រហូតបានសម្រេច កាលពី វេលាម៉ោង០១និង១០នាទី ថ្ងៃទី២ ឧសភា ២០១៥ នៅក្នុងភូមិក្រាំងក្រូច សង្កាត់ទៀន ខណ្ឌដង្កោ រាជធានីភ្នំពេញ ។ បន្ទាប់មកត្រូវបានកម្លាំងប៉ូលិស ផ្នែកព្រហ្មទណ្ឌ នៃអធិការដ្ឋាននគរបាលខណ្ឌដង្កោ ចាប់ខ្លួនបាន នាំទៅសាកសួរ និងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។
មន្ត្រីប៉ូលិសមួយរូបបានឲ្យដឹងថា ជនសង្ស័យដែលត្រូវចាប់ ខ្លួននោះឈ្មោះ ហ៊ុល ចំណាន អាយុ២៣ឆ្នាំ មុខរបរកម្មករសំណង់ មានទីលំនៅភូមិក្រាំងក្រូច សង្កាត់ទៀន ខណ្ឌដង្កោ ចំណែកក្មេងស្រីរងគ្រោះ អាយុ៩ឆ្នាំ រស់នៅជាមួយម្តាយ ក្នុងភូមិកើតហេតុ ។ នៅមុនពេលកើតហេតុស្ត្រីជាម្តាយក្មេងស្រីរងគ្រោះរូបនោះ បានយកនាងទៅផ្ញើនឹងបងស្រីបង្កើតរបស់គាត់ ឲ្យជួយមើល ដោយគាត់មានការ ត្រូវទៅផ្ទះមិត្តភក្តិ នៅឯខេត្តកំពង់ស្ពឺ ។ ខណៈនោះជនសង្ស័យបានធ្វើសកម្មភាព ចាប់ក្មេងស្រីរងគ្រោះ យកម្រាមដៃប្រទូស្ដកេរ្តិ៍ខ្មាស និងរំលោភសេពសន្ធវៈរហូតបានសម្រេច ខណៈពេលដែលនាងដើរលេងម្នាក់ឯង ។ បណ្ដាលឲ្យក្មេងស្រីរងគ្រោះរងរបួស យ៉ាងដំណំ បន្ទាប់មកជនសង្ស័យបានរត់គេចខ្លួនបាត់ស្រមោល ។ លុះដល់ថ្ងៃទី៣ ខែឧសភា ឆ្នាំ២០១៥ វេលាម៉ោង១៤ ទើបសាច់ញាតិទូរស័ព្ទទៅប្រាប់ស្ត្រីជាម្ដាយនោះថា កូនស្រីរបស់គាត់ត្រូវ បានជនសង្ស័យ ចាប់រំលោភ ហើយក្មេងស្រីកំពុងសំរាកនៅមន្ទីរពេទ្យគន្ធបុបា្ជទី៤ ។
ប្រភពដដែលបានបន្តថា បន្ទាប់ពីបានទទួលដំណឹងនោះហើយ ស្ត្រីជាម្តាយក៏បានធ្វើដំណើរត្រឡប់មកផ្ទះវិញ ហើយបានទៅមើលកូននៅក្នុងមន្ទីរពេទ្យ ហើយបានឃើញ កូនស្រីមានសភាពស្លេកស្លាំង និងមានឈាមហូរតាមប្រដាប់ភេទ មានសភាពធ្ងន់ធ្ងរ ក៏បានសួរនាំទៅកូនស្រី ហើយត្រូវបានកូនស្រីនិយាយប្រាប់ថា ឈ្មោះហ៊ុល ចំណាន បានចាប់នាងខ្ទប់មាត់ រួចបីយកទៅក្នុងផ្ទះរបស់ខ្លួន យកម្រាមដៃរុកចូលក្នុងប្រដាប់ភេទរបស់នាង និងរំលោភនាងរហូតបានសម្រេច បណ្ដាលឲ្យមានរបួសហូរឈាម ទើបឈ្មោះ ហ៊ុល ចំណាន នោះដេញនាងឲ្យត្រឡប់ទៅផ្ទះវិញ ។
បន្ទាប់មកស្ត្រីជាម្ដាយបានរាយការណ៍ និងដាក់ពាក្យបណ្តឹងឲ្យប៉ូលិសប៉ុស្តិ៍រដ្ឋបាលទៀន សហការជាមួយកម្លាំងនគរបាលព្រហ្មទណ្ឌខណ្ឌដង្កោ ធ្វើការឃាត់ខ្លួនជនសង្ស័យនោះ បាននៅវេលារសៀលថ្ងៃទី៤ ខែឧសភា ឆ្នាំ២០១៥ បន្ទាប់មកបាននាំ ទៅសាកសួរ និងកសាងសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ