ទាស់ពាក្យសម្តីបន្តិចបន្តួច បងប្រុសវាយសម្លា.ប់ប្អូនបង្កើត
ខេត្តកំពង់ស្ពឺ ៖ បុរសម្នាក់បានស្លា.ប់ ខណៈសាច់ញាតិបញ្ជូនទៅមន្ទីរពេទ្យ បន្ទាប់ពីត្រូវបងប្រុសបង្កើតវាយនឹងចបជីក ព្រោះតែជម្លោះពាក្យសម្តីបន្តិចបន្តួច។
ខេត្តកំពង់ស្ពឺ ៖ បុរសម្នាក់បានស្លាប់ ខណៈសាច់ញាតិបញ្ជូនទៅមន្ទីរពេទ្យ បន្ទាប់ពីត្រូវបងប្រុសបង្កើតវាយនឹងចបជីក ព្រោះតែជម្លោះពាក្យសម្តីបន្តិចបន្តួច។ ករណីនេះកើតឡើងកាលពីវេលាម៉ោង១០ព្រឹក ថ្ងៃទី០៣ឩសភា ២០១៥ នៅភូមិទី៤ ឃុំត្រែងត្រយឹង ស្រុកភ្នំស្រួច ។
ជនដៃដល់មានឈ្មោះស៊ិន ស៊ីម ភេទប្រុស អាយុ៥៣ឆ្នាំ ចំណែកប្អូនប្រុសដែលស្លាប់មានឈ្មោះស៊ិន ស៑ុន ភេទប្រុស អាយុ៤៩ឆ្នាំ អ្នកទាំងពីររស់នៅកន្លែងកើតហេតុ។
សមត្ថកិច្ចស្រុកភ្នំស្រួចបានឱ្យដឹងថា ជនរងគ្រោះ និងជនដៃដល់បានទៅកំដបុណ្យសពអ្នកភូមិម្នាក់ជាមួយគ្នា លុះផឹកស្រាស្រវឹងក៏កើតមានការឈ្លោះទាស់ទែងពាក្យសម្តី ពេលនោះជនដៃដល់ដែលជាបងក៏ស្ទុះទៅយកចបជីកដែកវាយក្បាលប្អូនប្រុសតែម្តង។
ក្រោយបង្កហេតុរួច ជនដៃដល់ត្រូវសមត្ថកិច្ចឃាត់ខ្លួនភ្លាមៗផងដែរ។ តាមការឆ្លើយសារភាពពីសំណាក់ជនដៃដល់ថា រូបខ្លួនខឹងនឹងប្អូនប្រុសដែលស្រវឹងស្រា ហើយនិយាយចចេសមិនដឹងខុសត្រូវជាមួយខ្លួនទើបខ្លួនស្ទុះទៅយកចបជីកមកវាយត្រូវក្បាលមួយចបជីកបណ្តាលឱ្យបែកចេញឈាម។ ក្រោយមកក៏បានបញ្ជូនទៅសង្គ្រោះនៅមណ្ឌលសុខភាពត្រែងត្រយឹង តែពេលទៅដល់គ្រូពេទ្យប្រាប់ថាស្លាប់បាត់ទៅហើយ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ