រាជធានីភ្នំពេញ ៖ ប៉ូលិសខណ្ឌទួលគោកសហការជាមួយកម្លំាងប៉ូលិសខណ្ឌសែនសុខ បានចុះឆែកឆេរផ្ទះជួលមួយកន្លែងនៅក្នុងភូមិត្រពំាងឈូក សង្កាត់ទឹកថ្លា ខណ្ឌសែនសុខ ដោយឃាត់ខ្លួនជនសង្ស័យជាមុខសញ្ញាចោរលួច និងប្លន់ចំនួន២នាក់ ដកហូតម៉ូតូ១គ្រឿង ។
រាជធានីភ្នំពេញ ៖ ប៉ូលិសខណ្ឌទួលគោកសហការជាមួយកម្លំាងប៉ូលិសខណ្ឌសែនសុខ បានចុះឆែកឆេរផ្ទះជួលមួយកន្លែងនៅក្នុងភូមិត្រពំាងឈូក សង្កាត់ទឹកថ្លា ខណ្ឌសែនសុខ ដោយឃាត់ខ្លួនជនសង្ស័យជាមុខសញ្ញាចោរលួច និងប្លន់ចំនួន២នាក់ ដកហូតម៉ូតូ១គ្រឿង។
ជនសង្ស័យទំាងពីរនាក់ដែលឃាត់ខ្លួនក្នុងប្រតិបត្តិការនៅរសៀលថ្ងៃទី២២ មេសា ២០១៥នេះ ម្នាក់ឈ្មោះ ជា សម្បត្តិ ហៅកៃ អាយុ២៧ឆ្នាំ និងម្នាក់ទៀតឈ្មោះ ឆាយ រ៉ាត់ អាយុ២០ឆ្នាំ ។ តាមចម្លើយសារភាពរបស់ជនសង្ស័យ គឺពួកគេបានធ្វើសកម្មភាពប្រើកំាភ្លើងក្លែងក្លាយ (កំាភ្លើងបាញ់ហ្កាស) ភ្ជង់ប្លន់យកម៉ូតូស៊េរីទំនើបចំនួន២លើក ដោយមួយករណីនៅសង្កាត់ក្រំាងធ្នង់ និងមួយករណីទៀតនៅសង្កាត់ភ្នំពេញថ្មី ។
បើតាមជនសង្ស័យ ក្រៅពីធ្វើសកម្មភាពប្លន់ ក្រុមគេក៍ធ្វើសកម្មភាពលួចឆក់ផងដែរ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងនៅប៉ុន្មាននាទីមុននេះទៀតថា នៅម៉ោងជាង២រសៀលថ្ងៃពុធដដែលនេះ សមត្ថកិច្ចបាននំាខ្លួនជនសង្ស័យទំាងពីរនាក់ទៅឆែកឆេរផ្ទះជួលមួយកន្លែងទៀតនៅម្តុំឈូកទិព្វ សង្កាត់ផ្សារដើមគ ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ