រាជធានីភ្នំពេញ ៖ បុរសវ័យជាង៦០ឆ្នាំម្នាក់ដែលបានអះអាងថា គាត់ជាអាណិកជនខ្មែររស់នៅប្រទេសបារាំងចេញពីផឹកស៊ីជួបជុំមិត្តភក្តិស្រវឹងមើលអត់ឃើញដោយសារតែភ្នែករបស់គាត់មីញ៉ូបផងបានបើករថយន្តបុកក្បាលនាគពុះចែកផ្លូវ
រាជធានីភ្នំពេញ ៖ បុរសវ័យជាង៦០ឆ្នាំម្នាក់ដែលបានអះអាងថា គាត់ជាអាណិកជនខ្មែររស់នៅប្រទេសបារាំងចេញពីផឹកស៊ីជួបជុំមិត្តភក្តិស្រវឹងមើលអត់ឃើញដោយសារតែភ្នែករបស់គាត់មីញ៉ូបផងបានបើករថយន្តបុកក្បាលនាគពុះចែកផ្លូវបាក់អស់៦កង់ កាលពីវេលាម៉ោង០១ និង៤៥នាទីរំលងអាធ្រាត្រឈានចូលថ្ងៃទី១៩ មេសា ២០១៥ នៅចំណុចមុខផ្ទះឡាយទ្រី មានទទួលធ្វើរទេះ និងរ៉ឺម៉កគ្រប៉ប្រភេទ តាមបណ្ដោយផ្លូវ២៧១ សង្កាត់ផ្សារដើមថ្កូវ ខណ្ឌចំការមន ។
អ្នកឃើញហេតុការណ៍បានប្រាប់ឲ្យដឹងថា មុនពេលកើតហេតុមានរថយន្ដតូយ៉ូតា ពណ៍ទឹកប្រាក់ ពាក់ស្លាកលេខ ភ្នំពេញ ២F.៣៣៣៥ បើកបរដោយបុរសវ័យជាង៦០ឆ្នាំម្នាក់ដែលគេដឹងថា ជាអាណិកជនខ្មែររស់នៅប្រទេសបារាំងទើបនឹងចេញពីកម្មវិធីមិត្តភក្កិក្នុងស្ថានភាពស្រវឹង ធ្វើដំណើរពីត្បូងទៅជើង មកដល់ចំណុចខាងលើដោយសារតែអ្នកបើកបរស្រវឹងហើយភ្នែកមីញ៉ូបមើលអត់ឃើញបានបើករថយន្តបុកបាក់ក្បាលនាគ ពុះចែកផ្លូវអស់មួយកង់ និងបាក់របាំងថ្មពុះចែកផ្លូវអស់៥កង់ទៀត ធ្វើឲ្យរថយន្តក្រឡាប់២ត្រឡប់បែកកញ្ចក់ផ្ទាំងមុខ និងផ្ទាំងក្រោយរងការខូចខាតស្ទើរទាំងស្រុង តែសំណាងល្អអ្នកបើកបរមិនមានរងរបួសទេ ។
បើតាមសម្តីរបស់អ្នកបើកបរបានឲ្យដឹងថា ដោយសារតែក្បាលនាគពុះចែកផ្លូវអត់មានភ្លើងបំភ្លឺទើបគាត់បើករថយន្តបុកបែបនេះ ។ ប៉ុន្តែអ្នកឃើញហេតុការណ៍បានអះអាងថា ក្បាលនាគមានចំណាំងផ្លាតហើយ ម្យ៉ាងនៅចំណុចខាងលើមានសញ្ញាព្រួញហាមបត់ឆ្វេងទៀត តែអ្នកបើកបរស្រវឹងធ្លាក់ភ្នែកមើលអត់ឃើញទើបជិះទៅបុកបែបនេះ ។
ក្រោយពេលកើតហេតុអ្នកបើករថយន្តបង្កបានទូរស័ព្ទហៅសាច់ញាតិមកជួយអន្តរាគមន៍ តែសមត្ថកិច្ចជំនាញចុះទៅដល់បានស្ទួចរថយន្តបង្កយកទៅដោះស្រាយនៅការិយាល័យនគរបាលចរាចរណ៍ផ្លូវគោករាជធានីភ្នំពេញតាមផ្លូវច្បាប់ ៕
ចែករំលែកព័តមាននេះ