អាការដូចម្ដេចខ្លះបញ្ជាក់ថានារីម្នាក់កំពុងតែមានផ្ទៃពោះ (18+)
មន្ទិលសង្ស័យចំពោះស្ត្រីណាម្នាក់ថាពិតជាមានគភ៌ ឬអត់គឺជាប្រធានបទមួយដែលមានការចង់ដឹងចង់ឮនិងឈ្វេងយល់ឱ្យកាន់តែច្បាស់លាស់សម្រាប់សុភាពបុរសតើមានសញ្ញា
មន្ទិលសង្ស័យចំពោះស្ត្រីណាម្នាក់ថាពិតជាមានគភ៌ ឬអត់គឺជាប្រធានបទមួយដែលមានការចង់ដឹងចង់ឮនិងឈ្វេងយល់ឱ្យកាន់តែច្បាស់លាស់សម្រាប់សុភាពបុរសតើមានសញ្ញាឬអាការដូចម្ដេចខ្លះដែលបញ្ជាក់ថានារីម្នាក់នោះកំពុងមានផ្ទៃពោះ ។ របៀបសង្កេតមើលដើម្បីបំបាត់ការសង្ស័យត្រូវអនុវត្តដូចខាងក្រោម ៖
១-សង្កេតមើលសញ្ញារបស់អ្នកពពោះ ឬនារីម្នាក់ថានាងមានអារម្មណ៍ហាក់មិនស្រួលខ្លួនឬយ៉ាងណា ។ នៅពេលព្រឹកព្រលឹមស្ត្រីភាគច្រើនតែងមានរោគក្អួតចង្អោរ(Morning Sickness) ។
២-កត់សម្គាល់មើលប្រសិនបើនាងកំពុងមានសកម្មភាពប្លែកៗដូចជា ឆាប់ខឹង មួម៉ៅច្រើន ឬងាយនឹងអាក់អន់ស្រពន់ចិត្តអ្វីមួយជាដើម ។ សូមចងចាំថា ស្ត្រីគ្រប់រូបគឺមានអាការខុសប្លែកពីសព្វមួយដងហើយច្រើនប្រតិកម្មនឹងអ្វីមួយសចម្លែកៗនោះហើយជាចំណុចស្នូលនៃការមានផ្ទៃពោះរបស់ស្ត្រី ។
៣-សង្កេតមើលការផ្លាស់ប្ដូរសម្លៀកបំពាក់។ តើនាងចាប់ផ្ដើមស្លៀកខោអាវបែបរលុងៗឬសម្លៀកបំពាក់ដែលអាចលាក់បាំងពោះធំរបស់នាងឬអត់ ?
៤-សង្កេតមើលប្រសិនជានាងកំពុងឡើងទម្ងន់ ។ ប្រសិនជាការឡើងទម្ងន់ ឬដុះពោះមានគភ៌ ការធាត់នោះមើលទៅហាក់មិនសូវមានរាងមូលឡើយហើយក្បាលពោះរបស់នាងហាក់ដូចជារាងហាប់់បន្តិច ។
៥-គួរកត់សម្គាល់នូវការប្រែប្រួលខ្លះៗនៅពេលស្រង់ក្លិនអ្វីមួយ ។ ស្ត្រីមានផ្ទៃពោះគេទទួលស្គាល់ថា មានញាណដែលឆាប់ស្រង់ដឹងក្លិនអ្វីមួយនិងឆាប់មានប្រតិកម្មនឹងក្លិននោះរហូតរកកល់ក្អួតចង្អោរក៏មាន ។
៦-កត់សម្គាល់ពីទម្លាប់នៃការញាំុអាហារផ្សេងៗ ។ ស្ត្រីមានផ្ទៃពោះភាគច្រើននឹងមិនទទួលទាននូវអ្វីដែលមានក្លិនមិនល្អឡើយពីព្រោះវាធ្វើឱ្យគាត់មិនស្រួលខ្លួន ។
*សម្គាល់ ៖ ជំងឺពេលព្រឹក(Morning Sickness ) របស់ស្ត្រីគឺអាចជាចំណែកមួយដែលធ្វើឱ្យមានការយល់ច្រឡំគឺវាពុំមានន័យថា ស្ត្រីរូបនោះមានពពោះឬក៏មិនស្រួលខ្លួនដោយសារគភ៌ក្នុងផ្ទៃឡើយ ប៉ុន្តែក៏សូមចងចាំថាវាជាជំងឺដែលកើតចំពោះតែស្ត្រីនៅពេលព្រឹកប៉ុណ្ណោះ ។ ប៉ុន្តែស្ត្រីមានគភ៌ដំបូងខ្លះអាចមានអារម្មណ៍មិនស្រួលខ្លួន២៤ម៉ោងពេញក៏មាន ៕
ចែករំលែកព័តមាននេះ