រាជធានីភ្នំពេញ៖ ហូម ដេខរ សិនធើរ (Home Decor Center )ទទួលសិទ្ធផ្តាច់មុខពីក្រុមហ៊ុន Begerនាំចូលផលិតផលថ្នាំលាបម៉ាក Beger របស់អាល្លឺម៉ង់ និងបានបើកសម្ភោធជាផ្លូវការកាលពីព្រឹកថ្ងៃទី ២៨ មីនា នៅសណ្ឋាគារហ៊ីម៉ាវ៉ារី ដោយមានការចូលរួមពីម្ចាស់ដេប៉ូចែកចាយបន្តជាច្រើនកុះករ
រាជធានីភ្នំពេញ៖ ហូម ដេខរ សិនធើរ (Home Decor Center )ទទួលសិទ្ធផ្តាច់មុខពីក្រុមហ៊ុន Begerនាំចូលផលិតផលថ្នាំលាបម៉ាក Beger របស់អាល្លឺម៉ង់ និងបានបើកសម្ភោធជាផ្លូវការកាលពីព្រឹកថ្ងៃទី ២៨ មីនា នៅសណ្ឋាគារហ៊ីម៉ាវ៉ារី ដោយមានការចូលរួមពីម្ចាស់ដេប៉ូចែកចាយបន្តជាច្រើនកុះករ ។
លោកឡាយ ឆាយ ប្រធានក្រុមហ៊ុន Home Decor Center បានឱ្យដឹងថា ក្រុមហ៊ុនលោកបានបង្កើតឡើងអស់រយៈពេលជាង២០ឆ្នាំមកហើយនិងទទួលបានការគាំទ្រនិងពេញនិមយពីសំណាក់អតិថិជនធ្វើឲ្យក្រុមហ៊ុនមានការរីកចំរើនមកដល់សព្វថ្ងៃ ។ក្រុមហ៊ុនតែងតែបានខិតខំប្រឹងប្រែងផ្គត់ផ្គង់ឱ្យបានគ្រប់តម្រូវការនិងទាន់ពេលវេលាដល់អតិថិជន រហូតមកដល់បច្ចុប្បន្នក្រុមហ៊ុនមានផលិតផល ស្ទើរតែគ្រប់មុខសម្រាប់សំណង់ ចាប់ពីការសាងសង់បុកគ្រឹះដំបូងរហូតដល់សំណង់សាងសង់រួចរាល់បានជាក្រុមហ៊ុនឬជាគេហរដ្ឋានមួយស្រស់ស្អាត។
លោកបន្តថាវិស័យសំណង់សព្វថ្ងៃមិនថាតែនៅទីក្រុង ទីប្រជុំជន ឬនៅតំបន់ជនបទនោះទេគឺមានការកើនឡើងគួរកត់សំគាល់ ដើម្បីជាការរួមចំណែកក្នុងការផ្គត់ផ្គង់គ្រប់ផលិតផលក្រុមហ៊ុនមានសាខាចែកចាយរហូតដល់ទៅជិត២០០ដេប៉ូ ។
លោកKRIRK RIT SANGTONG អ្នកគ្រប់គ្រង់ទូទៅ នៃក្រុមហ៊ុន Beger បានឱ្យដឹងថាក្រុមហ៊ុន Beger បង្កើតឡើងតាំងពីឆ្នាំ១៩៦១ម្លេះគិតមកដល់បច្ចុប្បន្ននេះក្រុមហ៊ុនមានសាខាចែកចាយជាង៨០០០សាខា ។ ក្រុមហ៊ុនតែងតែបង្កើតនូវផលិតផលអ្វីដែលថ្មី ទំនើបទាន់សម័យផ្ដល់ការពេញចិត្តដល់អតិថិជន ។ ជាក់ស្ដែងដូចជាថ្នាំលាបទាំង៥ប្រភេទក្នុងនោះមានដូចជា ថ្នាំលាបជញ្ជាំង ថ្នាំលាបដែក ថ្នាំលាបធ្វើឱ្យមានពណ៌ស្រស់ស្អាតប្លេកៗនិងថ្នាំលាបការពារជ្រាបទឹកនេះសុទ្ធសឹងជាថ្នាំដែលកំពុងពេញនិយមប្រើប្រាស់នៅប្រទេសថៃ។ ហើយយើងក៏មានផលិតផលល្អៗជាច្រើនទៀតសម្រាប់លាបទៅលើផ្ទៃជញ្ជាំងធ្វើឱ្យមានពណ៌ស្រស់ស្អាត មិនស្នឹមមិនកាន់ស្លែ រក្សាពណ៌បានយូរ ធ្វើឱ្យគេហរដ្ឋានមានភាពត្រជាក់និងថ្មីជានិច្ច ៕
ចែករំលែកព័តមាននេះ