ខេត្តប៉ៃលិន ៖ បុរសម្នាក់ត្រូវគេស្គាល់យ៉ាងច្បាស់ថា ជាមន្ត្រីនគរបាលស្នងការខេត្តប៉ៃលិន និងជាអ្នកបើកបររថយន្តប្រចាំនៅក្នុងកាស៊ីណូម្កុដពេជ្ររបស់លោក ឡោ ស៊ុនជាង បានប្រើអំពើហិ.ង្សាទៅលើបុរសម្នាក់ បណ្តាលឱ្យរងរបួសធ្ងន់ធ្ងរបែកមុខបែកមាត់សន្លប់បាត់ស្មារតី
ខេត្តប៉ៃលិន ៖ បុរសម្នាក់ត្រូវគេស្គាល់យ៉ាងច្បាស់ថា ជាមន្ត្រីនគរបាលស្នងការខេត្តប៉ៃលិន និងជាអ្នកបើកបររថយន្តប្រចាំនៅក្នុងកាស៊ីណូម្កុដពេជ្ររបស់លោក ឡោ ស៊ុនជាង បានប្រើអំពើហិង្សាទៅលើបុរសម្នាក់ បណ្តាលឱ្យរងរបួសធ្ងន់ធ្ងរបែកមុខបែកមាត់សន្លប់បាត់ស្មារតីនៅនឹងកន្លែង ក្បែររថយន្តរបស់ខ្លួន ខណៈបើកបរត្រឡប់ពីលេងផ្ទះមិត្តភក្តិ លុះចូ លមកដល់មុខផ្ទះ ស្រាប់តែជនដៃដល់គោះទ្វាររថយន្តឱ្យបើកចេញក្រៅ រួចក៏ក្របួចក.អាវជាប់ និងដាល់ចំភ្នែកខាងស្តាំ១ដៃ ត្រូវសៀតផ្កាខាងឆ្វេងចំនួន៣ដៃ បណ្តាលឱ្យដួលផ្កាប់មុខទៅនឹងផ្លូវថ្នល់គ្រួសក្រហមតែម្តង ។
ការប្រើអំពើហិង្សានេះ ដោយចោទគ្មានភស្តុតាងថា ជនរងគ្រោះបានបើកបររថយន្តទៅកៀរម៉ូតូរបស់ខ្លួន តែសំណាងល្អបានអ្នកជិតខាងឃើញទាន់ ក៏ស្រែកឱ្យនាំគ្នាជួយ ហើយដឹកយកទៅសង្គ្រោះនៅគ្លីនិកឯកជនមួយ ។ ចំណែកឯជនដៃដល់គ្មានសមត្ថកិច្ចណាម្នាក់ធ្វើការឃាត់ខ្លួនយកទៅសួរនាំនោះទេ ដោយបណ្តោយឱ្យមានសិទ្ធិសេរីភាពដើរហើរយ៉ាងរំភើយ ទំនងជាលោកព្រះរាជអាជ្ញាអមសាលាដំបូងខេត្ត មិនដឹងរឿងនេះទេមើលទៅ បានជាគ្មានចំណាត់ការអ្វីបន្តិចទាល់តែសោះ ។
ហេតុការណ៍ដែលមន្ត្រីនគរបាលស្នងការខេត្តប៉ៃលិន ប្រើអំពើហិង្សាទៅលើប្រជាពលរដ្ឋស្លូតត្រង់ម្នាក់នេះបានកើតឡើងកាលពីវេលាម៉ោង១០ និង២០នាទីយប់ ថ្ងៃទី២២ ខែកុម្ភៈ ឆ្នាំ២០១៥ ស្ថិតនៅមុខបន្ទប់ផ្ទះជួលចំណុចដីថ្មី ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
សូមបញ្ជាក់ថា គិតមកដល់ត្រឹមរសៀលថ្ងៃទី០២ ខែមីនា ហេតុការណ៍នេះ បានកើ តឡើងអស់រយៈពេលជិតកន្លះខែទៅហើយ តែខាងស្នងការនគរបាលខេត្តប៉ៃលិនហាក់ដូច ជាមិនអាចធ្វើការសម្របសម្រួល ឬដោះស្រាយបញ្ហានេះបានទេ សង្ស័យមានខ្នងបង្អែកណាមួយនៅពីក្រោយ ។
ជនរងគ្រោះដែលត្រូវសមត្ថកិច្ចនគរបាលស្នងការវាយឱ្យរងរបួស ឈ្មោះ អ៊ិង ចិន ភេទប្រុស អាយុ៤៧ឆ្នាំ មានស្រុកកំណើត រស់នៅភូមិអូរតាគី ឃុំអូរតាគី ស្រុកបាត់ដំបង ខេត្តបាត់ដំបង បច្ចុប្បន្នស្នាក់នៅកន្លែងកើតហេតុខាងលើ ។ ចំណែកឯជនដៃដល់ ឈ្មោះ គិត រ៉ាវី ភេទប្រុស អាយុប្រមាណ៣៥ឆ្នាំ ជាមន្ត្រីនគរបាលស្នងការខេត្តប៉ៃលិន ប្រចាំការនៅកាស៊ីណូម្កុដពេជ្រ ជាអ្នកបើកបររថយន្តឱ្យក្រុមហ៊ុនកាស៊ីណូខាងលើ ៕
ចែករំលែកព័តមាននេះ