រាជធានីភ្នំពេញ ៖ យុវជន២នាក់បងប្អូនបង្កើត ម្នាក់ស្លា.ប់ និងម្នាក់ទៀតរងរបួសធ្ងន់ ហើយត្រូវបានគេបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈដែលអ្នកទាំង២នាក់នោះជិះម៉ូតូ១គ្រឿងឌុបគ្នា ហើយត្រូវរថយន្តសណ្ដោងកុងតឺន័រ១គ្រឿង បើកបរស្របទិសគ្នា
រាជធានីភ្នំពេញ ៖ យុវជន២នាក់បងប្អូនបង្កើត ម្នាក់ស្លាប់ និងម្នាក់ទៀតរងរបួសធ្ងន់ ហើយត្រូវបានគេបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈដែលអ្នកទាំង២នាក់នោះជិះម៉ូតូ១គ្រឿងឌុបគ្នា ហើយត្រូវរថយន្តសណ្ដោងកុងតឺន័រ១គ្រឿង បើកបរស្របទិសគ្នាក្នុងល្បឿនលឿន ទៅដល់បានបុកពីក្រោយពេញទំហឹង ព្រមទាំងក្រឡាប់សង្កត់ពីលើថែមទៀត ។
ហេតុការណ៍នេះកើតឡើងកាលពីវេលាម៉ោង០២ និង៣៥នាទីរសៀលថ្ងៃទី០២ មីនា ២០១៥ ស្ថិតនៅលើកំណាត់ផ្លូវលេខ២០A ស្ថិតក្នុងភូមិក្រពើទ្រោម សង្កាត់រលួស ខណ្ឌដង្កោ រាជធានីភ្នំពេញ ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះស្រស់ សុខនីន ភេទប្រុស អាយុ២៣ឆ្នាំ ជាកម្មករសំណង់ និងម្នាក់ទៀតរបួស
ធ្ងន់ឈ្មោះស្រស់ ប៊ុនធឿន ភេទប្រុស អាយុ២៥ឆ្នាំ ជារត់តុការ ទាំង២នាក់នេះ ជាបងប្អូនបង្កើតនិងគ្នា បច្ចុប្បន្នរស់នៅក្នុងភូមិព្រែក
អង្គញ់ ឃុំសៀមរាប ស្រុកកណ្តាលស្ទឹង ខេត្តកណ្តាល ។ រីឯរថយន្តបង្កម៉ាក STERLING ពណ៌ស្លែ ពាក់ស្លាកលេខភ្នំពេញ 3C-3291 បើកបុកម៉ូតូម៉ាកស្គូពី ពណ៌សលាយខ្មៅ ពាក់ស្លាកលេខភ្នំពេញ 1BB-4285 បណ្តាលឱ្យអ្នកជិះម៉ូតូ២នាក់បងប្អូនស្លាប់ម្នាក់នៅនឹងកន្លែងកើតហេតុ និងម្នាក់ទៀតទទួលរងរបួសធ្ងន់ធ្ងរ ត្រូវបានរថយន្តសាមុយមន្ទីរពេទ្យបង្អែកដង្កោដឹកយកទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរ-សូវៀត។
ប្រជាពលរដ្ឋបានឱ្យដឹងថា នៅមុនពេលកើតហេតុ រថយន្តបង្កហេតុនិងម៉ូតូជនរងគ្រោះបានបើកបរស្របទិសគ្នា ក្នុងទិសដៅពីកើតទៅលិច លុះមកដល់ចំណុចកើតហេតុខាងលើ ជនរងគ្រោះបានជួបជាមួយមិត្តភក្ដិដែលជិះម៉ូតូ១គ្រឿងទៀត ក្នុងទិសដៅបញ្ច្រាសគ្នាហើយខណៈនោះមិត្តភក្ដិស្រែកហៅជនរងគ្រោះ ក៏បានបត់ឆ្លងផ្លូវរកមិត្តភក្ដិ ធ្វើឲ្យរថយន្តវាក់ជាន់ហ្វ្រាំងឈប់មិនទាន់ បុកពេញទំហឹង និងរេចង្កូតក្រឡាប់សង្កត់ពីលើថែមទៀត បណ្ដាលឱ្យស្លាប់ម្នាក់ និងរបួសធ្ងន់ធ្ងរម្នាក់តែម្ដង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ