ខេត្តតាកែវ ៖ យ៉ាងហោចណាស់មនុស្ស៣នាក់បានស្លា.ប់ និង៨នាក់ទៀតរបួសធ្ងន់-ស្រាលក្នុងហេតុការណ៍គ្រោះថ្នាក់ចរាចរណ៍រថយន្តបុកគ្នាជាមួយម៉ូតូ រួចក្រឡាប់ដែលកើត
ខេត្តតាកែវ ៖ យ៉ាងហោចណាស់មនុស្ស៣នាក់បានស្លាប់ និង៨នាក់ទៀតរបួសធ្ងន់-ស្រាលក្នុងហេតុការណ៍គ្រោះថ្នាក់ចរាចរណ៍រថយន្តបុកគ្នាជាមួយម៉ូតូ រួចក្រឡាប់ដែលកើតឡើងកាលពីវេលាម៉ោង១ និង៣០នាទីរសៀល ថ្ងៃទី១ មីនា ២០១៥ នៅតាមបណ្តោយផ្លូវខេត្តលេខ១៣២ ចន្លោះបង្គោលគីឡូម៉ែត្រលេខ៣-៤ ស្ថិតក្នុងភូមិព្រៃឈើទាលក្រោម ឃុំតាភេម ស្រុកត្រាំកក់។
ប្រភពបានឱ្យដឹងថា មុនពេលកើតហេតុគេឃើញម៉ូតូមួយគ្រឿងម៉ាកឌ្រីមC125 ពណ៌ខ្មៅ ស៊េរី២០១៥ ជិះគ្នា៣នាក់ ធ្វើដំណើរពីលិចទៅកើតក្នុងល្បឿនលឿន ខណៈមកដល់ចំណុចកើតហេតុស្រាប់តែម៉ូតូបានរេចង្កូតទៅបុករថយន្តមួយគ្រឿងម៉ាករ៉េវហ្វរ ពណ៌ប្រផេះ ពាក់ស្លាកលេខ២W៩៤៦០ភ្នំពេញធ្វើដំណើរក្នុងទិសដៅបញ្ច្រាសគ្នាចំពីមុខពេញទំហឹងបណ្តាលឱ្យអ្នកជិះម៉ូតូទាំង៣នាក់បោកក្បាលស្លាប់នៅនឹងកន្លែង ចំណែករថយន្តរ៉េហ្វរបានក្រឡាប់បះជើងឡើងលើធ្វើឱ្យអ្នកជិះក្នុងរថយន្តចំនួន៨នាក់រងរបួសធ្ងន់-ស្រាល៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ