រាជធានីភ្នំពេញ ៖ ជនសង្ស័យ២នាក់ជាមុខសញ្ញាចាស់កំពុងតែឆ្កឹះសោទ្វាររបងសាលាអន្តរជាតិប្រាយថាម ត្រូវបានកម្លាំងនគរបាលខណ្ឌមានជ័យល្បាតប្រទះឃើញឃាត់ខ្លួន កាលពីវេលាម៉ោង២ និង៥០នាទីរំលង
រាជធានីភ្នំពេញ ៖ ជនសង្ស័យ២នាក់ជាមុខសញ្ញាចាស់កំពុងតែឆ្កឹះសោទ្វាររបងសាលាអន្តរជាតិប្រាយថាម ត្រូវបានកម្លាំងនគរបាលខណ្ឌមានជ័យល្បាតប្រទះឃើញឃាត់ខ្លួន កាលពីវេលាម៉ោង២ និង៥០នាទីរំលងអធ្រាត្រឈានចូលថ្ងៃទី១៣ កុម្ភៈ នៅមុខសាលាអន្តរជាតិប្រាយថាម តាមផ្លូវលំ ភូមិសន្សំកុសល សង្កាត់បឹងទំពុន ខណ្ឌមានជ័យ ។
ប្រភពព័ត៌មានពីនគរបាលខណ្ឌមានជ័យបានឲ្យដឹងថា មុនពេលកើតហេតុកម្លាំងសមត្ថកិច្ចគ្នា៤នាក់ជិះម៉ូតូ២គ្រឿងល្បាតក្នុងមូលដ្ឋានមកដល់ចំណុចខាងលើស្រាប់តែប្រទះឃើញ ជនសង្ស័យ២នាក់ដែលជាមុខសញ្ញាចាស់ទើបនឹងចេញពីពន្ធនាគារកំពុងធ្វើសកម្មភាពគាស់ទ្វាររបងសាលាអន្តរជាតិប្រាយថាម ពេលដែលឃើញសមត្ថកិច្ចមកដល់បានព្យាយាមរត់គេច តែរត់អត់រួចសមត្ថកិច្ចក៏ព័ទ្ធចាប់បានធ្វើការឆែកឆេររកឃើញឧបករណ៍ឆ្កឹះសោនៅជាប់នឹងខ្លួនទើបឃាត់ខ្លួនយកទៅសាកសួរនៅប៉ុស្តិ៍នគរបាលបឹងទំពុន ។
ជនសង្ស័យដែលឃាត់ខ្លួនមានឈ្មោះ អឿន វណ្ណឌី ហៅសំបូរ ភេទប្រុស អាយុ២៨ឆ្នាំ មុខរបររត់តុការ មានទីលំនៅភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ និងម្នាក់ទៀត ឈ្មោះ វាសនា ភេទប្រុស អាយុ១៧ឆ្នាំ ជាកម្មករសំណង់ ស្នាក់នៅក្បែរគ្នា ។
សមត្ថកិច្ចបានឲ្យដឹងថា ជនសង្ស័យទាំង២នាក់ជាមុខសញ្ញាចាស់ទើបនឹងចេញពីពន្ធនាគារ ហើយមិនរាងចាលត្រូវសមត្ថកិច្ចឃាត់ខ្លួនយកទៅសាកសួរនៅប៉ុស្តិ៍នគរបាលបឹងទំពុន រួចកសាងសំណុំរឿងបញ្ជូនទៅអធិការដ្ឋានខណ្ឌមានជ័យ ៕
ចែករំលែកព័តមាននេះ