ខេត្ដសៀមរាប ៖ ជនជាតិអង់គ្លេសពីរនាក់ត្រូវបានកម្លាំងនគរបាលប្រឆាំងការជូញដូរគ្រឿងញៀនសហការជាមួយនគរបាលអន្ដរាគមន៍នៃស្នងការដ្ឋានខេត្ដសៀមរាបចាប់ឃាត់ខ្លួន ខណៈពួកគេកំពុងធ្វើសកម្មភាពជក់ និងជួញដូរគ្រឿងញៀននៅម្ដុំផ្សាររាត្រី ។
ជនរបទេសទាំងពីរនាក់នេះត្រូវសមត្ថកិច្ចឃាត់ខ្លួនកាលពីវេលាម៉ោង១០យប់ ថ្ងៃទី១០ កុម្ភៈ ២០១៥ នៅក្នុងភោជនីយដ្ឋានយីហោ (អង្គរវត្ដបារ)ស្ថិតក្នុងភូមិមណ្ឌល១ សង្កាត់ស្វាយដង្គុំ ក្រុងសៀមរាប។
លោកវរសេនីយ៍ទោ អ៊ុំ សាអាត នាយការិយាល័យប្រឆាំងការជួញដូរគ្រឿងញៀននៃស្នងការដ្ឋានខេត្ដសៀមរាបបានឲ្យដឹងនៅថ្ងៃទី១២ កុម្ភៈនេះថា ជនសង្ស័យទាំងពីរនាក់ត្រូវបានសមត្ថកិច្ចបញ្ជូនមកតុលាការ ដើម្បីចាត់ការបន្ដក្នុងករណីជូញដូរគ្រឿងញៀនយ៉ាងអាណាធិបតេយ្យនេះ ។
លោកបន្ដថា ជនសង្ស័យទី១-ឈ្មោះDANIEL HALLER ភេទប្រុស អាយុ៣០ឆ្នាំ ជនជាតិអាល្លឺម៉ង់ កាន់លិខិតឆ្លងដែន C9TNW6 RT2 ផុតកំណត់13-02-15 ស្នាក់នៅផ្ទះសំណាក់អង្គរវ័នឌឺ ភូមិវិហារចិន សង្កាត់ស្វាយដង្គំ ក្រុងសៀមរាប ចូលតាមច្រកទ្វាប៉ោយប៉ែត និង២-ឈ្មោះ ROBINSON SCOT ភេទប្រុស អាយុ២២ឆ្នាំ ជនជាតិអង់គ្លេស កាន់លិខិតឆ្លងដែនលេខ 210 737571ស្នាក់នៅជាមួយគ្នា។
លោកបន្ថែមថា វត្ថុតាងដែលសមត្ថកិច្ចដកហូតបានពីជនសង្ស័យរួមមានកញ្ឆាក្រៀមចំនួនពីរថង់កន្លះ ស្មើនឹង១៧,៤ក្រាម ម្សៅពណ៌សមួយកញ្ចប់តូច ចានថ្មមួយ និងម៉ាស៊ីនថតរូបមួយគ្រឿង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ