ខេត្តត្បូងឃ្មុំ ៖ កម្លាំងអនុរក្សមណ្ឌលកែប្រែទី៣ត្រពាំងផ្លុងនៅឃុំត្រពាំងផ្លុង ស្រុកពញាក្រែក បានធ្វើការឆ្មក់ចាប់ស្ត្រីម្នាក់ឈ្មោះឃិន
ខេត្តត្បូងឃ្មុំ ៖ កម្លាំងអនុរក្សមណ្ឌលកែប្រែទី៣ត្រពាំងផ្លុងនៅឃុំត្រពាំងផ្លុង ស្រុកពញាក្រែក បានធ្វើការឆ្មក់ចាប់ស្ត្រីម្នាក់ឈ្មោះឃិន សាង អាយុ៤៦ឆ្នាំ មានទីលំនៅក្នុងភូមិដុំខ្វិត ឃុំវាលពន់ ស្រុកថ្ពង់ ខេត្តកំពង់ស្ពឺ កាលពីវេលាម៉ោង១១ និង៣០នាទីព្រឹកថ្ងៃទី៩ កុម្ភៈ ២០១៥ បន្ទាប់ពីបានបន្លំយកគ្រឿងញៀនដាក់នៅក្នុងស៊ុបគោទៅឱ្យប្តីរបស់ខ្លួនជាទណ្ឌិត ដែលត្រូវជាប់ទោសរហូតដល់ទៅ២០ឆ្នាំ ពីបទឃាតកម្ម ។
លោកវរសេនីយ៍ត្រី ជា ជឿន នាយការិយាល័យប្រឆាំងគ្រឿងញៀនខេត្តបានឱ្យដឹងថា ដោយអនុវត្តតាមក្រិតក្រមមណ្ឌលកែប្រែទី៣នេះ សាច់ញាតិដែលត្រូវមកទំនាក់ទំនងសាកសួរសុខទុក្ខអ្នកនៅក្នុងពន្ធនាគារ ចាំបាច់ត្រូវតែមានសៀវភៅគ្រួសារ ទើបអនុញ្ញាតឱ្យចូល ។
លោកបន្តថា ជាក់ស្តែងនៅព្រឹកថ្ងៃទី៩ កុម្ភៈ មានស្ត្រីឈ្មោះឃិន សាង បាននាំយកគ្រឿងបរិភោគជាច្រើនទៅឱ្យប្តីរបស់ខ្លួនជាទណ្ឌិតឈ្មោះវុទ្ធី ដែលអះអាងជាប្តីរបស់ខ្លួន ។ តាមវិន័យមុនចូល ត្រូវកម្លាំងអនុរក្សធ្វើការត្រួតពិនិត្យមើលសិន ក៏ឃើញមានថ្នាំញៀនត្រូវបានបង្កប់ដាក់នៅក្នុងស៊ុបគោដោយថ្នាំប្រភេទ WY ចំនួន២៨គ្រាប់ និងថ្នាំញៀនក្រាមពណ៌សចំនួន៨កញ្ចប់ ព្រមទាំងទុយោបឺត២ ដាក់ញាត់ថ្នាំញៀនបង្កប់ក្នុងឆ្អឹងស៊ុបគោ ដែលមើលមួយភ្លែតមិនអាចដឹងបាននោះទេ គឺគេបិទដោយកាវវិទ្យាសាស្ត្រជិតល្អណាស់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ