Motorola វិលត្រឡប់មកប្រឡូកលើទីផ្សារចិនសាជាថ្មី
ប៉េកាំង-ចិន ៖ កាលពីថ្ងៃទី២៦ មករា ក្រុមហ៊ុន Motorola Mobility ដែលគ្រប់គ្រង ដោយក្រុមហ៊ុន Lenovo Group បានបង្ហាញវត្តមាននៃការវិលត្រឡប់មកប្រឡូកលើទីផ្សារប្រទេសចិន
ប៉េកាំង-ចិន ៖ កាលពីថ្ងៃទី២៦ មករា ក្រុមហ៊ុន Motorola Mobility ដែលគ្រប់គ្រង ដោយក្រុមហ៊ុន Lenovo Group បានបង្ហាញវត្តមាននៃការវិលត្រឡប់មកប្រឡូកលើទីផ្សារប្រទេសចិន
ប៉េកាំង-ចិន ៖ កាលពីថ្ងៃទី២៦ មករា ក្រុមហ៊ុន Motorola Mobility ដែលគ្រប់គ្រង ដោយក្រុមហ៊ុន Lenovo Group បានបង្ហាញវត្តមាននៃការវិលត្រឡប់មកប្រឡូកលើទីផ្សារប្រទេសចិនរបស់ខ្លួនសាជាថ្មីជាមួយនឹងទូរស័ព្ទស្មាតហ្វូនស៊េរីថ្មី៣ម៉ូដែល ដើម្បីប្រកួតប្រជែងជាមួយនឹងផលិតផលរបស់Apple, Samsung និង Xiaomi ។
គ្រប់ម៉ូដែលទើបនឹងចេញថ្មីទាំងអស់នោះ នឹងមានលក្ខណៈសាមញ្ញ ងាយស្រួលប្រើ និងគុណភាពល្អបំផុតក្នុងបទពិសោធន៍នៃប្រព័ន្ធទូរស័ព្ទប្រើ Android ។ ទូរស័ព្ទស្មាតហ្វូន Motorola X ដែលមានបំពាក់មកជាមួយដោយអេក្រង់ខ្នាត៥.២អីុញ និងប្រព័ន្ធប្រតិបត្តិការគ្រប់គ្រងសំឡេងបច្ចេកវិទ្យាខ្ពស់ បានចាប់ផ្តើមទទួលការបញ្ជាទិញមុនតាមបណ្តាញអីុនធើរណេតក្នុងពេលជាមួយគ្នានោះដែរ តាមរយៈគេហទំព័រដូចជា ៖ JD. com និង Tmall.com ជាដើម ។ អតិថិជនអាចកុម្មង់ទិញមុនចេញលក់ Moto G ក្នុងតម្លៃចាប់ពី២០៧,៦៩ដុល្លារ (១២៩៩យន់) ក្នុងខែកុម្ភៈខាងមុខនេះ ។
ក្រុមហ៊ុន Motorola បានបង្ហើបនៅក្នុងរដ្ឋធានីប៉េកាំងថា សែស្រឡាយរបស់ម៉ូដែល Moto X Pro មានបំពាក់អេក្រង់គុណភាពដែលមានខ្នាតរហូតដល់ទៅ៦អីុញឯណោះ និងកាមេរ៉ា ១៣មេហ្គាភិចសែល ដែលនឹងចាប់ផ្តើមដាក់លក់រាយតាមអីុនធើរណេត(Online )ក្នុងខែមីនា ។
អ្នកជំនាញផ្នែកឧស្សាហកម្មនេះបានឱ្យដឹងថា ការបង្ហាញខ្លួនសាជាថ្មីរបស់ Motorola ក្នុងទីផ្សារចិននឹងជួយឱ្យ Lenovo ដណ្តើមយកផ្សារហ៊ុននៅក្នុងពពួកក្រុមហ៊ុនទូរស័ព្ទលំដាប់កំពូលដូចជា Xiaomi និង Huawei ជាដើម ។
គួរបញ្ជាក់ថា Motorola បានអវត្តមានពីទីផ្សារក្នុងស្រុកបន្ទាប់ពី Lenovo បានប្រកាសថា ខ្លួនអាចនឹងចំណាយ២,៩ពាន់លានដុល្លារដើម្បីទទួលយកMotorola Mobility ពីក្រុមហ៊ុន Google ដែលជាអ្នកអភិវឌ្ឍន៍ប្រព័ន្ធ Android។ ប្រទេសចិនគឺជាទីតាំងដំបូងគេក្នុងតំបន់អាស៊ីដែលទទួលបាននូវសេវាកម្មផលិតទូរស័ព្ទយីហោនេះ ហើយក្រុមហ៊ុន Lenovo ឯណោះវិញក៏រំពឹងថានឹងទទួលបានលទ្ធភាពចំណេញក្នុងត្រីមាសទី៤ នៃឆ្នាំនេះ និងនៅឆ្នាំបន្ទាប់ទៀតបន្ទាប់ពីការវិលរកទ្រនំចាស់នោះ ៕
ចែករំលែកព័តមាននេះ