រាជធានីភ្នំពេញ ៖ រថយន្តម៉ាកCRV មួយគ្រឿងឈប់រងចាំស្តុប ត្រូវរឺុម៉កម៉ូតូបើកមកប៉ះចំពីក្រោយបណ្តាលឱ្យកំពិតតិចតួច តែអ្នកបើកបររឺុម៉កម៉ូតូដែលស្ថិតនៅក្នុងស្ថានភាពស្រវឹងផងនោះមិនព្រមនិយាយសម្របសម្រួលគ្នាតាមសម្រួលទេដោយសំអាងថាខូចខាតប៉ុណ្ណឹងមិនអត់លុយសងទេ ខណៈភាគីម្ចាស់រថយន្តមិនទាមទារសំណងទេ ដោយគ្រាន់តែចង់ឱ្យមកនិយាយដោះស្រាយគ្នារកត្រូវខុសតាមសម្រួល កុំឱ្យបើកបរធ្វែសប្រហែសទៀត ។ ហេតុការណ៍នេះកើតឡើងកាលពីវេលាម៉ោង ៨និង៣០នាទី យប់ ថ្ងៃទី២៧ មករា ឆ្នាំ២០១៥ នៅចំណុចស្តុបទេពផន ស្ថិតក្នុងសង្កាត់ទឹកល្អក់៣ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តម៉ាកCRV ពណ៌ទឹកបិចមួយគ្រឿង ពាក់ស្លាកលេខភ្នំពេញ2N-2766 បើកបរដោយបុរសម្នាក់ដឹកក្រុមគ្រួសារ ហើយធ្វើដំណើរតាមផ្លូវ១៨២ ក្នុងទិសដៅពីលិចទៅកើត ខណៈមកដល់ចំណុចកើតហេតុក៏មានរឺុម៉កម៉ូតូមួយគ្រឿងបើកដោយបុរសម្នាក់ក្នុងស្ថានភាពស្រវឹង បានបើករឺុម៉កម៉ូតូទៅប៉ះគូទក្រោយរថយន្តCRV នោះបណ្តាល ឱ្យកំពិតតិចតួច ។បន្ទាប់ពីកើតហេតុអ្នកបើកបររឺុម៉កម៉ូតូដែលស្ថិតនៅក្នុងស្ថានភាពស្រវឹងផងនោះមិន ព្រមនិយាយសម្របសម្រួលគ្នាតាមសម្រួលទេដោយសំអាងថាខូចខាតប៉ុណ្ណឹង មិនអត់លុយសងទេ។ ក៏ប៉ុន្តែការនិយាយរបស់បុរសរត់រឺុម៉កម៉ូតូគឺនិយាយបានតែមាត់ នៅក្នុងនមិនមានប្រាក់នោះទេ ។
ក្រោយពេលកើតហេតុកើតហេតុភាគីខាងរថយន្តមិនទាមទារសំណងទេ ដោយគ្រាន់តែចង់ឱ្យមកនិយាយដោះស្រាយគ្នារកត្រូវខុសតាមសម្រួល កុំឱ្យបើកបរធ្វែសប្រហែសទៀតតែបុរសខាងលើស្រវឹងនិយាយស្តាប់គ្នាមិនបាន ភាគីខាងរថយន្តក៏បើករថយន្តចេញពីកន្លែងកើតហេតុទៅ ។
ចែករំលែកព័តមាននេះ