ប្រទេសថៃដំឡើងថ្លៃប្រេងឆាតាមច្បាប់កំណត់
បាងកក-ថៃ ៖ តាមការអះអាងរបស់នាយកដ្ឋានពាណិជ្ជកម្មផ្ទៃក្នុង តម្លៃប្រេងឆាសម្រាប់ចម្អិនអាហារនៅប្រទេសថៃ នឹងត្រូវដំឡើងថ្លៃចំនួន៤បាតទៀត (ប្រមាណ៤៩០រៀល) ឬស្មើនឹង៤២បាត
បាងកក-ថៃ ៖ តាមការអះអាងរបស់នាយកដ្ឋានពាណិជ្ជកម្មផ្ទៃក្នុង តម្លៃប្រេងឆាសម្រាប់ចម្អិនអាហារនៅប្រទេសថៃ នឹងត្រូវដំឡើងថ្លៃចំនួន៤បាតទៀត (ប្រមាណ៤៩០រៀល) ឬស្មើនឹង៤២បាត
បាងកក-ថៃ ៖ តាមការអះអាងរបស់នាយកដ្ឋានពាណិជ្ជកម្មផ្ទៃក្នុង តម្លៃប្រេងឆាសម្រាប់ចម្អិនអាហារនៅប្រទេសថៃ នឹងត្រូវដំឡើងថ្លៃចំនួន៤បាតទៀត (ប្រមាណ៤៩០រៀល) ឬស្មើនឹង៤២បាត (ប្រមាណ៥.១៥០រៀល) ក្នុង១ដប ។ ម្យ៉ាងទៀតប្រេងឆាសម្រាប់ប្រើប្រាស់ក្នុងប្រទេស ក៏នឹងពុំមានការខ្វះខាតអ្វីដែរ ។
លោក Sntichai Sarathawanphaet អគ្គនាយករងនៃអគ្គនាយកដ្ឋានពាណិជ្ជកម្មផ្ទៃក្នុងថ្លែងថា លោកបានពិនិត្យឃើញថា ថៃមានដូងប្រេងគ្រប់គ្រាន់សម្រាប់អតិថិជន បើទោះជាតម្លៃឡើងថ្លៃក៏ដោយ ។ បច្ចុប្បន្នហាងឆេងដូងប្រេងលក់ចេញចន្លោះពី៤០បាត (ប្រមាណ៤.៩០០រៀល) ទៅ៤២បាត (ប្រមាណ៥.១៥០រៀល) ក្នុងមួយដប ឡើងខ្ពស់ជាងតួលេខមុន ដែលលក់ចេញត្រឹមតែ៣៨បាត (ប្រមាណ៤.៦៤០រៀល) ប៉ុណ្ណោះ ។ លោកបញ្ជាក់បន្ថែមថា តម្លៃទីផ្សារបច្ចុប្បន្ននៅតែស្ថិតក្នុងការកំណត់តាមច្បាប់ ។
យោងតាមការស្ទង់មតិរបស់អង្គភាពក្នុងអំឡុងពេល២អាទិត្យកន្លងមកនេះ តម្លៃម្ហូបអាហារភាគច្រើននៅតែមិនប្រែប្រួលដដែល ក្នុងនោះសាច់ជ្រូកលក់ចេញ១៣៥បាត (ប្រមាណ១៦.៥០០រៀល) ទៅ១៤០បាត (ប្រហែល១៧.១០០រៀល) ក្នុងមួយគីឡូក្រាម សាច់មាន់ទាំងមូលមានតម្លៃ៦០បាត (ប្រមាណ៧.៣០០រៀល) ទៅ៦៥បាត (ប្រមាណ៧.៩០០រៀល) ក្នុងមួយគីឡូក្រាម ៕
ចែករំលែកព័តមាននេះ