ខេត្តកំពង់ស្ពឺ ៖ កូនប្រុសចិត្តតិរច្ឆានម្នាក់បានចាប់ឪពុកវាយរហូតទ្រមខ្លួនបែកមុខបែកមាត់ ព្រោះខឹងបបួលឪពុកសាកក្បាច់គុនគ្នាគាត់មិនព្រមធ្វើតាម។
ខេត្តកំពង់ស្ពឺ ៖ កូនប្រុសចិត្តតិរច្ឆានម្នាក់បានចាប់ឪពុកវាយរហូតទ្រមខ្លួនបែកមុខបែកមាត់ ព្រោះខឹងបបួលឪពុកសាកក្បាច់គុនគ្នាគាត់មិនព្រមធ្វើតាម។ ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃទី១៩ មករា ២០១៥ នៅចំណុចភូមិដូនអាត់ ឃុំស្គៈ ស្រុកសំរោងទង។
ជនដៃដល់ដែលដេញវាយឪពុកឯងមានឈ្មោះឌឹម មិថុនា ភេទប្រុស អាយុ៣០ឆ្នាំ ចំណែកឪពុករងគ្រោះឈ្មោះជឹម សំអឿន អាយុ៥៥ឆ្នាំ មានទីលំនៅភូមិ-ឃុំកើតហេតុ ។
បើតាមសាក្សីនៅជិតកន្លែងកើតហេតុបានឱ្យដឹងថា មុនពេលកើតហេតុគេបានឃើញឪពុក កូនផឹកស្រាជាមួយគ្នា លុះផឹកស្រវឹងស្រាប់តែគេឮសូរកូនបបួលឪពុកវាយគ្នា តែឪពុកមិនព្រមទេ ដោយនិយាយប្រដៅថា ឯងជាកូន រឿងអីមកបបួលយើងជាឪពុកវាយគ្នា។ គ្រាន់តែនិយាយចប់ក៏ត្រូវកូនប្រុសស្ទុះមកវាយរហូតបែកមុខបែកមាត់។
ឃើញដូច្នេះប្រជាពលរដ្ឋក៏បានរាយការណ៍ឱ្យសមត្ថកិច្ចចុះមកឃាត់ខ្លួនកូនតិរច្ឆាននោះតែម្តង។ នៅចំពោះមុខសមត្ថកិច្ចជនដៃដល់បានឆ្លើយសារភាពថា រូបគេពិតជាបានវាយទៅលើឪពុកពិតមែន ព្រោះតែខឹង និងទាស់ពាក្យសម្តីគ្នាបន្តិចបន្តួច៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ