កុមារាអាយុជាង២ខួប ធ្លាក់ចូលពាងទឹកលង់ស្លា.ប់
ខេត្តកំពង់ធំ ៖ កុមារាម្នាក់បានធ្លាក់ចូលក្នុងពាងទឹកសម្រាប់ដាក់ផ្អក ឬប្រហុកលង់ស្លា.ប់យ៉ាងអាណោចអាធ័ម ខណៈម្តាយទៅផ្សារ
ខេត្តកំពង់ធំ ៖ កុមារាម្នាក់បានធ្លាក់ចូលក្នុងពាងទឹកសម្រាប់ដាក់ផ្អក ឬប្រហុកលង់ស្លាប់យ៉ាងអាណោចអាធ័ម ខណៈម្តាយទៅផ្សារដោយផ្ញើកូនឱ្យនៅជាមួយជីដូន កាលពីវេលាម៉ោងរសៀលថ្ងៃទី១៦ មករា ២០១៥ ស្ថិតនៅភូមិបល័ង្គខាងកើត សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ ។
ប្រភពបានឱ្យដឹងថា កុុមារារងគ្រោះឈ្មោះឌុច សុវណ្ណរាជ អាយុជាង២ខួប មានម្តាយឈ្មោះទន បុរី អាយុ២១ឆ្នាំ ជាស្ត្រីមេម៉ាយ មានទីលំនៅក្នុងភូមិ-ឃុំកើតហេតុខាងលើ ។
ប្រភពបន្តថា មុុនពេលកើតហេតុ ស្ត្រីជាម្តាយបានទៅផ្សារ ដោយបានទុកកូនប្រុសឱ្យនៅលេងជាមួួយជីដូន ចំណែកជីតាក៏មិននៅផ្ទះដែរ ។ ខណៈជីដូនកំពុងតែរៀបចំបោសសម្អាតនៅលើផ្ទះ បានបាត់ចៅប្រុស ពេលនោះបានស្រែកហៅ តែមិនឮឆ្លើយទេ ពេលជីដូនចុះទៅមើល ស្រាប់តែប្រទះឃើញចៅស្លាប់ក្នុងពាងទឹកបាត់ទៅហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ