ចូលកោសជប់បាត់លុយ៨០០ដុល្លារពិត តែឃើញលុយហ្វូតូ៨០០ដុល្លារវិញ
រាជធានីភ្នំពេញ ៖ បុរសម្នាក់បានចូលទៅកោសជប់ ត្រូវស្ត្រីកោសជប់លួចដូរយកលុយដុល្លារពិតអស់៨០០ដុល្លារ ដោយដាក់លុយ
រាជធានីភ្នំពេញ ៖ បុរសម្នាក់បានចូលទៅកោសជប់ ត្រូវស្ត្រីកោសជប់លួចដូរយកលុយដុល្លារពិតអស់៨០០ដុល្លារ ដោយដាក់លុយដុល្លារហ្វូតូចំនួន៨០០ដុល្លារវិញ ធ្វើឱ្យមានការភ្ញាក់ផ្អើលកាលពីវេលាម៉ោង០៤ និង១៥នាទីរសៀលថ្ងៃទី១៥ មករា ២០១៥ ស្ថិតនៅផ្ទះម៉ាស្សាកោសជប់ តាមផ្លូវលេខ៣៧១ ក្នុងភូមិត្នោតជ្រុំ២ សង្កាត់បឹងទំពុន ខណ្ឌមានជ័យ ។
ជនរងគ្រោះមិនបានប្រាប់ឈ្មោះនោះទេបានឱ្យដឹងថា កាលពីវេលាម៉ោង១០យប់ថ្ងៃទី១៤ មករា គាត់វិលមុខ ក៏ទៅកោសជប់នៅផ្ទះកើតហេតុខាងលើ ដោយចូលទៅក្នុងបន្ទប់ ហើយស្រាតខោព្យួរទុកនៅមាត់បង្អួចដែលបាំងវាំងនន២ជាន់ តែមិនបានដឹងថា បង្អួចនោះ អត់មានចំរឹង និងកញ្ចក់ទេ ដោយមានលុយនៅក្នុងកាបូបចំនួន៨០០ដុល្លារ និងលុយរៀលដាក់នៅក្នុងហោប៉ៅ ក៏បានដេកផ្កាប់មុខកោសខ្យល់ រួចហើយបានឱ្យលុយចេញទៅវិញ ដោយមិនបានដឹងថា បាត់លុយទេ ព្រោះនៅក្នុងផ្ទះនោះមានស្ត្រីជាអ្នកកោសជប់ទាំងអស់៣នាក់ ។
រហូតដល់ថ្ងៃទី១៥ មករា គាត់ចាយលុយរៀលអស់ ក៏បានទៅដូរលុយនៅកន្លែងដូរលុយ ស្រាប់តែអ្នកដូរលុយប្រាប់ថា លុយពូឯងដូរអត់កើតទេ ព្រោះជាលុយហ្វូតូទេ ទើបគាត់បើកកាបូបឃើញសុទ្ធតែលុយហ្វូតូចំនួន៨សន្លឹក ហើយគាត់ក៏បានត្រឡប់ទៅផ្ទះម៉ាស្សាកោជប់ខាងលើវិញ ពេលទៅដល់ឃើញមានតែស្ត្រីកោសជប់ចំនួន២នាក់ទេ ចំណែកឯស្ត្រីដែលជាអ្នកលួចលុយបានគេចខ្លួនបាត់ហើយ គាត់បានសាកសួរត្រូវស្ត្រីទាំង២នាក់បងប្អូន ដែលជាអ្នកកោសជប់ប្រាប់ថា អត់ដឹងទេ ពេលនោះជនរងគ្រោះបានដើរចូលទៅក្នុងផ្ទះ ស្រាប់តែឃើញបង្អួចអត់មានចំរឹង និងកញ្ចក់ ហើយនៅជិតបង្អួចនោះមានកាបូបស្ពាយមួយព្យួរនៅជិតនោះ មានលុយដុល្លារហ្វូតូចំនួន៥០០០ដុល្លារ ដែលមានក្រដាស១០០ដុល្លារ ៥០ដុល្លារ និង២០ដុល្លារ ដែលមានលេខលុយដូចលុយសុទ្ធអ៊ីចឹងដែរ ទើបម្ចាស់លុយបានប្តឹងសមត្ថកិច្ច ចុះទៅដល់ប្រាប់ឱ្យស្ត្រីកោសជប់ទូរស័ព្ទ ហៅថៅកែមកដោះស្រាយគ្នា តែរង់ចាំយូរ ហើយនៅតែមិនឃើញថៅកែមកទៀត ក៏ត្រូវប៉េអឹមឃាត់ខ្លួនស្ត្រីទាំង២នាក់បងប្អូនយកទៅសាកសួរនៅប៉េអឹមខណ្ឌមានជ័យ ។
ចែករំលែកព័តមាននេះ