រាជធានីភ្នំពេញ ៖ បុរសម្នាក់ស្រវឹងបើករថយន្តមួយគ្រឿងម៉ាកកាមរីបាឡែន ក្នុងល្បឿនលឿនជ្រុលទៅបុកផ្ទប់ នឹងបង្គោលភ្លើងបំភ្លឺផ្លូវ បណ្តាលឱ្យបង្គោលភ្លើងត្រូវបាក់ទ្រេតស្ទើរតែរាបស្មើដល់ដី ចំណែករថយន្តរងការខូចខាតផ្នែកខាងមុខយ៉ាងដំណំ។ ហេតុការណ៍គ្រោះថ្នាក់ចរាចរណ៍នេះកើតឡើងនៅចំណុចច្រមុះជ្រូក
រាជធានីភ្នំពេញ ៖ បុរសម្នាក់ស្រវឹងបើករថយន្តមួយគ្រឿងម៉ាកកាមរីបាឡែន ក្នុងល្បឿនលឿនជ្រុលទៅបុកផ្ទប់ នឹងបង្គោលភ្លើងបំភ្លឺផ្លូវ បណ្តាលឱ្យបង្គោលភ្លើងត្រូវបាក់ទ្រេតស្ទើរតែរាបស្មើដល់ដី ចំណែករថយន្តរងការខូចខាតផ្នែកខាងមុខយ៉ាងដំណំ។ ហេតុការណ៍គ្រោះថ្នាក់ចរាចរណ៍នេះកើតឡើងនៅចំណុចច្រមុះជ្រូកក្បាលថ្នល់ ស្ថិតតាមបណ្តោយផ្លូវព្រះមុនីវង្ស ក្នុងសង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង១ និង ១៥នាទីយប់ រំលងអាធ្រាត្រឈានចូលថ្ងៃទី២៦ ខែធ្នូ ឆ្នាំ២០១៤ ។
សាក្សីនៅកន្លែងកើតហេតុបានឱ្យដឹងថា មុនពេលមានហេតុការណ៍គ្រោះថ្នាក់កើតឡើង គឺគេសង្គេត ឃើញបុរសម្នាក់បើករថយន្តមួយគ្រឿងម៉ាកកាមរីបាឡែន ពណ៌ស្ករ ពាក់ស្លាកលេខភ្នំពេញ2T-5976 បើកបរធ្វើ ដំណើរតាមបណ្តោយផ្លូវព្រះមុនីវង្ស ទិសដៅពីជើងទៅត្បូង ក្នុងស្ថានភាពស្រវឹង និងក្នុងល្បឿនយ៉ាងលឿន ក៏រេចង្កូតជ្រុលទៅបុកផ្ទប់នឹងបង្គោលភ្លើងបំភ្លឺផ្លូវពេញទំហឹងបណ្តាលបង្គោលភ្លើងបាក់ទ្រេតស្ទើរតែរាបស្មើដល់ ដី ចំណែករថយន្ត ត្រូវបែកពោងសុវត្ថិភាពទាំងសង២និងត្រូវរងការខូចខាតផ្នែកខាងមុខយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានសហការជាមួយជំនាញចុះធ្វើការអន្តរាគមន៍វាស់វែងស្ទូចយក រថយន្តបង្កខាងលើទៅរក្សាទុកនៅការិយាល័យចរាចរជើងគោករាជធានីភ្នំពេញ ដើម្បីចាត់ការតាមផ្លូវច្បាប់។ ហើយសូមបញ្ជាក់ថា ហេតុការណ៍គ្រោះថ្នាក់ខាងលើនេះគឺបង្កឡើងដោយសារបុរសជាម្ចាស់រថយន្តបើកបរក្នុង សភាពស្រវឹងជោគជាំ និងក្នុងល្បឿនលឿនហួសកំណត់ទើបបណ្តាលឱ្យមានរឿងហេតុដូចនេះកើតឡើង តែម្តងទៅ ។ ហើយក្នុងករណីនេះដែរមិនបានបណ្តាលឱ្យមានមនុស្សណាម្នាក់រងរបួសឡើយ គ្រាន់តែ ខូចខាតទ្រព្យសម្បត្តិតែប៉ុណ្ណោះ។
ចែករំលែកព័តមាននេះ