គេហទំព័របរទេស Daily Mail ផ្សាយកាលពីពេល ថ្មីៗនេះថា ស្ត្រីចំនួន១៤នាក់ អាយុពី១៩ដល់៥០ឆ្នាំ បានស្រាតឱ្យគេថតដាក់លើប្រតិទិនមានចំណងជើងថា «នគរស្ត្រីគ្មានសម្លៀកបំពាក់» ក្នុងយុទ្ធនាការរៃអង្គាសប្រាក់ជួយមូលនិធិសម្រាប់យន្តហោះសង្គ្រោះបន្ទាន់ ដែលមានព្រះអង្គម្ចាស់ វីលៀម ក្សត្រនៃប្រទេសអង់គ្លេស ធ្វើជាកាពីតែនផ្ទាល់ ។ ក្រៅពីនេះពួកនាងនឹងបញ្ជូនអាល់ប៊ុមរូបថតស្រាតនេះទៅកាន់ព្រះអង្គម្ចាស់វីលៀម ដោយសង្ឃឹមថា ព្រះអង្គនឹកចូលចិត្ត ។ រូបថតជាច្រើនសន្លឹកបង្ហាញពីសម្រស់ដងខ្លួនដ៏សខ្ចី និងស្នាមញញឹមស្រស់ស្រាយរបស់ស្ត្រីទាំងនោះ ។
រូបថតទាំងនោះថតដោយអ្នកស្រី Julia Ayres វ័យ៤៩ឆ្នាំ និងអ្នកស្រី Stevie Thory។ អ្នកស្រី Julia និយាយថា គាត់ចង់បង្កើតប្រតិទិនជាយូរមកហើយ ជាពិសេសគឺអាល់ប៊ុមដែលសុទ្ធសឹងជាឈុតស្រស់ស្អាតរបស់ នារីៗកម្របានឃើញ ។
ឮព្រះអង្គម្ចាស់វីលៀមតាំងព្រះដំណាក់ក្បែរអាកាសយានដ្ឋាន Cambridge ដែលជាកន្លែងសម្រាប់ក្រុមគ្រូពេទ្យជួយសង្គ្រោះបន្ទាន់មុនពេលបញ្ជូនអ្នកជំងឺទៅកាន់មន្ទីរពេទ្យ ចំពោះហេតុការណ៍គ្រោះថ្នាក់ ដែលកើតមានឡើងជុំវិញតំបន់ភាគខាងកើតប្រទេសអង់គ្លេស ។
កាលពីឆ្នាំមុនប្រាក់មូលនិធិប្រើប្រាស់សម្រាប់បំពេញបេសកកម្មចំនួន១.៤៤០លើក និងជួយសង្គ្រោះអាយុជីវិតជនរងគ្រោះប្រមាណជា១.០០០នាក់ រួមទាំងអ្នករបួសក្នុងគ្រោះថ្នាក់ចរាចរចំនួន៤១៤នាក់ ៕
ចែករំលែកព័តមាននេះ