ខេត្តសៀមរាប ៖ កម្លាំងកងរាជអាវុធហត្ថនៃការិយាល័យប្រឆាំងគ្រឿងញៀ.នខេត្ត ដែលដឹកនាំដោយលោកសំរិទ្ធ សុខុន ព្រះរាជអាជ្ញារង បានចុះធ្វើការបង្ក្រាបជូញដូរគ្រឿងញៀ.នមួយកន្លែង
ខេត្តសៀមរាប ៖ កម្លាំងកងរាជអាវុធហត្ថនៃការិយាល័យប្រឆាំងគ្រឿងញៀនខេត្ត ដែលដឹកនាំដោយលោកសំរិទ្ធ សុខុន ព្រះរាជអាជ្ញារង បានចុះធ្វើការបង្ក្រាបជូញដូរគ្រឿងញៀនមួយកន្លែង កាលពីវេលាម៉ោង០៨ព្រឹកថ្ងៃទី១១ ធ្នូ ២០១៤ ខណៈនៅតាមដងផ្លូវសាធារណៈបម្រុងចូលទៅស្នាក់នៅក្នុងផ្ទះសំណាក់ តែត្រូវកម្លាំងជំនាញធ្វើការឃាត់ខ្លួនបានភ្លាមៗ ក្នុងភូមិតាភុល សង្កាត់ស្វាយដង្គំ ក្រុងសៀមរាប ។
លោកវរសេនីយ៍ឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានប្រាប់ឱ្យដឹងថា ជនសង្ស័យជានិស្សិតបញ្ចប់បរិញ្ញាបត្រនៅសាកលវិទ្យាល័យបៀលប្រាយខេត្តសៀមរាបម្នាក់ ក្នុងចំណោម៣នាក់ ត្រូវកម្លាំងជំនាញនៃការិយាល័យបទល្មើសប្រឆាំងគ្រឿងញៀនខេត្ត ធ្វើការស្ទាក់ចាប់បានម្នាក់ឈ្មោះចាន់ ស្រីមុំ ភេទស្រី អាយុ៥៥ឆ្នាំ មុខរបរលក់ដូរ មកជួញដូរនៅខេត្តសៀមរាប ជាលើកទី២ មានស្រុកកំណើតនៅខេត្តកណ្តាល បច្ចុប្បន្នស្នាក់នៅភូមិទួលសង្កែ សង្កាត់ប្ញស្សីកែវ ខណ្ឌប្ញស្សីកែវ ក្រុងភ្នំពេញ ។
លោកបន្តទៀតថា ក្រោយពេលចាប់ខ្លួនកម្លាំងជំនាញបានធ្វើការឆែកឆេររកឃើញគ្រឿងញៀនប្រភេទម៉ាទឹកកក ចំនួន៣កញ្ចប់ធំ ទម្ងន់៦១,៨៥ក្រាម និងទូរស័ព្ទដៃចំនួន១គ្រឿង, បន្តោងខ្សែ.ក១ និងសៀវភៅកត់លេខទូរស័ព្ទ១ ។
ចែករំលែកព័តមាននេះ