ខេត្តកណ្ដាល ៖ មនុស្ស៣នាក់បានស្លា.ប់ភ្លាមៗនៅកន្លែងកើតហេតុក្នុងហេតុការណ៍គ្រោះថ្នាក់ចរាចរណ៍ដ៏រន្ធត់មួយរវាងរថយន្តម៉ាកហ៊ីយ៉ាន់ដាយបុកម៉ូតូម៉ាកនិចចំពីមុខនៅលើកំណាត់ផ្លូវជាតិលេខ៣ ចន្លោះគីឡូម៉ែត្រលេខ៣៣-៣៤ ស្ថិតក្នុងភូមិក្រាំងគាំ ឃុំត្បែង ស្រុកកណ្តាលស្ទឹង កាលពីវេលាម៉ោង១០ និង៣០នាទីព្រឹក ថ្ងៃទី២៧ វិច្ឆិកា ។
ខេត្តកណ្ដាល ៖ មនុស្ស៣នាក់បានស្លាប់ភ្លាមៗនៅកន្លែងកើតហេតុក្នុងហេតុការណ៍គ្រោះថ្នាក់ចរាចរណ៍ដ៏រន្ធត់មួយរវាងរថយន្តម៉ាកហ៊ីយ៉ាន់ដាយបុកម៉ូតូម៉ាកនិចចំពីមុខនៅលើកំណាត់ផ្លូវជាតិលេខ៣ ចន្លោះគីឡូម៉ែត្រលេខ៣៣-៣៤ ស្ថិតក្នុងភូមិក្រាំងគាំ ឃុំត្បែង ស្រុកកណ្តាលស្ទឹង កាលពីវេលាម៉ោង១០ និង៣០នាទីព្រឹក ថ្ងៃទី២៧ វិច្ឆិកា ។
ក្រោយពីកើតហេតុអ្នកបើករថយន្តបានរត់គេចខ្លួនបាត់ បន្សល់ទុករថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ស្ពឺ3A-0336 នៅកន្លែងកើតហេតុ។
នគរបាលចរាចរស្រុកកណ្ដាលស្ទឹងបានឲ្យដឹងថា គ្រោះថ្នាក់ចរាចរណ៍នេះកើតឡើងដោយសារអ្នកបើកបរភាគីទាំងពីរបើកលឿនពេក ខ្វះការប្រុងប្រយ័ត្ន។ ជនរងគ្រោះដែលស្លាប់ទាំង៣នាក់ មានឈ្មោះអាន ប៉ុង ភេទប្រុស អាយុ២១ឆ្នាំ នៅភូមិព្រៃស្បូវ ឃុំជង្រុក ជាអ្នកបើកបរម៉ូតូម៉ាកនិច ពណ៌ស ពាក់ស្លាកលេខភ្នំពេញ1CA-4363 ចំណែកអ្នករួមដំំណើរ ឈ្មោះជុំ វណ្ណៈ ភេទប្រុស អាយុ២៣ឆ្នាំ នៅភូមិព្រៃទទឺង ឃុំវាល និងម្នាក់ទៀតឈ្មោះសុខ ណុប ភេទប្រុស អាយុ២៣ឆ្នាំ ទាំង២នាក់ រស់នៅភូមិរាំ ឃុំជង្រុក ស្រុកគងពិសី ខេត្តកំពង់ស្ពឺ។
ក្រោយកើតហេតុ នគរបាលបានទៅពិនិត្យនៅកន្លែងកើតហេតុ និងស្រាវជ្រាវរកក្រុមគ្រួសារជនរងគ្រោះមកទទួលយកសពទៅធ្វើបុណ្យ ចំណែករថយន្ត និងម៉ូតូយកទៅរក្សាទុកនៅអធិការដ្ឋានដើម្បីដោះស្រាយ តាមច្បាប់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ