រាជធានីភ្នំពេញ ៖ ចោរឆក់មួយក្រុមមានគ្នា៤នាក់ជិះម៉ូតូ២គ្រឿង ធ្វើសកម្មភាពឆក់កាបូបពីជនបរទេសមិនបានសម្រេច មានម៉ូតូចំនួន២គ្រឿង ត្រូវបានកម្លាំងកងរាជអាវុធហត្ថខណ្ឌចំការមន យកមករក្សាទុក
រាជធានីភ្នំពេញ ៖ ចោរឆក់មួយក្រុមមានគ្នា៤នាក់ជិះម៉ូតូ២គ្រឿង ធ្វើសកម្មភាពឆក់កាបូបពីជនបរទេសមិនបានសម្រេច មានម៉ូតូចំនួន២គ្រឿង ត្រូវបានកម្លាំងកងរាជអាវុធហត្ថខណ្ឌចំការមន យកមករក្សាទុក ក្រោយពីក្រុមជនសង្ស័យជាចោរឆក់កាបូបពីបុរសជាជនបរទេសម្នាក់មិនបានសម្រេចរួចហើយ នាំគ្នារត់ចោលម៉ូតូ ។ ករណីក្រុមចោរឆក់ការបូបមិនបានសម្រេចហើយរត់ចោលម៉ូតូនេះបានកើតឡើងកាលពីវេលាម៉ោង០១ និង០៥នាទី ថ្ងៃត្រង់ ថ្ងៃទី២៥ ខែវិច្ឆិកា នៅក្បែរភោជនីយដ្ឋានកុលាបបូកគោ ផ្លូវលេខ៩៥កែងនិងផ្លូវលេខ៣៩៦ ក្នុងសង្កាត់បឹងកេងកងទី៣ ខណ្ឌចំការមន ។
តាមប្រភព័ត៌មានពីមន្ត្រីកងរាជអាវុធហត្ថម្នាក់បានប្រាប់អោយដឹងថា មុនពេលកើតហេតុមានក្រុមជនសង្ស័យជាចោឆក់ចំនួន៤នាក់ជិះម៉ូតូចំនួន២គ្រឿង គឺម៉ូតូធំម៉ាកXR ព៌ណស ពាក់ស្លាកលេខ1AD-1381 និងម៉ូតូម៉ាកYAMAHA SIRIUS ព៌ណស ពាក់ស្លាកលេខភ្នំពេញ1CQ-5969 មួយគ្រឿងបានធ្វើសកម្មឆក់ការបូបស្ពាយពីបុរសជាជនបរទេសម្នាក់ ដែលកំពុងតែជិះម៉ូតូម៉ាកវ៉េវ មួយគ្រឿង មិនបានសម្រេចដោយការប្រតាយប្រតប់គ្នា ។ តាមប្រភពដដែលបានប្រាប់អោយដឹងទៀតថា ពេលដែលក្រុមចោរឆក់ធ្វើសកម្មភាពឆក់ការបូបស្ពាយពីបុរសជនបរទេសនោះក៏បានធ្វើអោយបុរសរងគ្រោះដួលម៉ូតូ រួចហើយក៏ស្ទុះទៅចាប់ និងប្រតាយប្រតប់គ្នាទាញម៉ូតូរបស់ក្រុមចោរអោយដួលទាំងពីរគ្រឿងដែរហើយស្របពេលនោះកម្លាំងកងរាជអាវុធហត្ថក៏ធ្វើការល្បាតទៅដល់ឃើញដូចនោះពួកគេក៏នាំគ្នារត់ចោលម៉ូតូអស់ ។
ក្រោយពីកើតហេតុរួចហើយ ម៉ូតូទាំងពីគ្រឿងត្រូវបានបញ្ជូនយកទៅរក្សាទុកនៅមូលដ្ឋានកងរាជអាវុធហត្ថខណ្ឌចំការមន ដើម្បីធ្វើកំណត់ហេតុបញ្ជូនទៅកាន់មូលដ្ឋានកងរាជអាវុធហត្ថរាជធានីភ្នំពេញជាបន្តទៀត ៕
ចែករំលែកព័តមាននេះ