រាជធានីភ្នំពេញ ៖ រថយន្ថឡិចស៊ីសRX-330 មួយគ្រឿងបើតបត់ឆ្វេងត្រឡប់ក្រោយត្រូវ ត្រូវម៉ូតូស៊ុយ ស៊ូគីនិចបើកពីក្រោយស្របទិសគ្នាបុកចំពីក្រោយគូទរថយន្តឡិចស៊ីសនោះពេញទំហឹង បណ្តាលឱ្យក្មេងស្រីជំទង់ពីរនាក់ដែលជិះលើម៉ូតូប្លោងខ្ទាតបោកទៅនឹងកញ្ចក់រថយន្ត ដោយម្នាក់បាក់ជើង និងម្នាក់បែកមុខរងរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង ៨ និង២០នាទី យប់ ថ្ងៃទី២១ វិច្ឆិកា ២០១៤ នៅចំណុចមុខសាលាបឋមសិក្សាទួលគោក តាមផ្លូវ២៨៩ ស្ថិតក្នុងសង្កាត់បឹងកក់១ ខណ្ឌទួលគោក ។
ប្រភពព័ត៌មានពីប្រជាពលរដ្ឋដែលឃើញហេតុការណ៍បានឱ្យដឹងថា នៅមុនពេលកើតហេតុគេឃើញរថយន្តឡិច ស៊ីស RX-330 មួយគ្រឿង ពណ៌ស ពាក់ស្លាកលេខភ្នំពេញ2AA-0784 បើកដោយនារីម្នាក់ តាមផ្លូវ២៨៩ ក្នុងទិសដៅ ពីជើងទៅត្បូង ខណៈមកដល់ចំណុចកើតហេតុរថយន្តក៏បានបើកបត់ឆ្វេងត្រឡប់ក្រោយស្របពេលនោះក៏មានម៉ូតូស៊ុយ ស៊ូឡែតពណ៌ស ជិះមកពីក្រោយស្របទិសគ្នាបានបើកបុកចំពីក្រោយគូទរថយន្តឡិចស៊ីសនោះពេញទំហឹង បណ្តាលឱ្យក្មេងស្រីជំទង់ពីរនាក់ដែលជិះលើម៉ូតូប្លោងខ្ទាតបោកទៅ នឹងកញ្ចក់រថយន្ត រងដោយម្នាក់បាក់ជើង និងម្នាក់បែកមុខរងរបួសធ្ងន់ ។ ប្រជាពលរដ្ឋនៅកន្លែងកើតហេតុបានបន្តទៀតថា ដោយសារតែអ្នកបើករថយន្តខាងលើសំអាងថា នៅលើផ្លូវមានគំនូសសញ្ញាអាចបត់បានទើបអ្នកបើករថយន្តបានបើករថយន្តបត់ក្រោយមិនមើលក្រោយក៏បណ្តាលឱ្យមានគ្រោះថ្នាក់ចរាចរណ៍កើតឡើងតែម្តង។
ក្រោយពេលកើតហេតុជនរងគ្រោះត្រូវបានគេបញ្ជូនទៅសង្រ្គោះនៅមន្ទីរពេទ្យ ចំណែកឯម៉ូតូ និង រថយន្តត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌទួលគោករងចាំដោះស្រាយគ្នាតាមនិតិវិធីច្បាប់ ។
ចែករំលែកព័តមាននេះ