រាជធានីភ្នំពេញ ៖ ក្រុមចោរប្រដាប់អាវុធបីនាក់ជិះម៉ូតូពីរគ្រឿងមកស្ទាក់ផ្លូវនារី២នាក់ ដែលកំពុងជិះម៉ូតូឌុបគ្នាតាមផ្លូវឱ្យឈប់ រួចដកកាំភ្លើងភ្ជង់ប្លន់យកម៉ូតូស្គូបពីរមួយគ្រឿងពីនារីរងគ្រោះ ហើយពេលនោះក៏មានប្រជាពលរដ្ឋម្នាក់បើករថយន្តឆ្លងកាត់កន្លែងកើតហេតុបានឃើញក្រុមចោរកំពុងធ្វើសកម្មភាពនប្លន់នារីរងគ្រោះ
រាជធានីភ្នំពេញ ៖ ក្រុមចោរប្រដាប់អាវុធបីនាក់ជិះម៉ូតូពីរគ្រឿងមកស្ទាក់ផ្លូវនារី២នាក់ ដែលកំពុងជិះម៉ូតូឌុបគ្នាតាមផ្លូវឱ្យឈប់ រួចដកកាំភ្លើងភ្ជង់ប្លន់យកម៉ូតូស្គូបពីរមួយគ្រឿងពីនារីរងគ្រោះ ហើយពេលនោះក៏មានប្រជាពលរដ្ឋម្នាក់បើករថយន្តឆ្លងកាត់កន្លែងកើតហេតុបានឃើញក្រុមចោរកំពុងធ្វើសកម្មភាពនប្លន់នារីរងគ្រោះនោះ ប្រជាពលរដ្ឋរូបនោះក៏បានបើករថយន្តទៅបុកក្រុមចោរទាំងកំរោលបណ្តាលឱ្យចោររបួសធ្ងន់ម្នាក់រីឯម៉ូតូចោរមួយគ្រឿងរងការខូចខាតយ៉ាងដំណំ ហើយភ្លាមៗក្រុមចោរប្រដាប់អាវុធបានលើកបក្ខពួកដែលរងរបួសដាក់លើម៉ូតូនារីរងគ្រោះជិះគេចខ្លួនទាំងត្រដាបត្រដួសដោយបន្សល់ទុកម៉ូតូពួកគេមួយគ្រឿងនៅកន្លែងកើតហេតុផងដែរ ។
ហេតុការណ៍នេះកើតឡើងកាលពីវេលាម៉ោង ២ និង ៤០នាទីរំលងអាធ្រាត្រ ឈានចូលថ្ងៃទី ២២ វិច្ឆិកា ២០១៤ នៅចំណុចមុខសាលាបឋមសិក្សា នរោត្ថម តាមផ្លូវនរោត្ថម ស្ថិតក្នុងសង្កាត់ផ្សារថ្មី២ ខណ្ឌដូនពេញ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេនារីរងគ្រោះពីរនាក់បានជិះម៉ូតូស្គូបពីមួយគ្រឿង ឌុបគ្នាតាមផ្លូវព្រះនរោត្ថម ក្នុងទិសដៅ ពីត្បូងទៅជើង ខណៈមកដល់ចំណុចកើតហេតុក៏មានជនក្រុមចោរបីនាក់ ជិះម៉ូតូមួយគ្រឿងមានកាំភ្លើងក្នុងដៃ បានមកស្ទាក់ផ្លូវនារីរងគ្រោះឱ្យឈប់ហើយដកកាំភ្លើងគំរាមប្លន់ម៉ូតូ ដោយសារតែភ័យខ្លាចនារីរងគ្រោះទាំងពីរនាក់ក៏ព្រមប្រគល់សោ ម៉ូតូឱ្យទៅក្រុមចោរ ។ ស្របពេលនោះដែរ ក៏មានប្រជាពលរដ្ឋម្នាក់បើករថយន្តកាត់កន្លែងកើតហេតុបានឃើញសកម្មភាពប្លន់របស់ក្រុមចោរ ក៏បានបើករថយន្តទៅបំបុកក្រុមចោរទាំងកំរោលបណ្តាលឱ្យចោររបួសធ្ងន់ម្នាក់រីឯម៉ូតូចោរមួយគ្រឿងរងការខូចខាត យ៉ាងដំណំ ហើយភ្លាមៗក្រុមចោរប្រដាប់អាវុធបានលើកបក្ខពួកដែលរងរបួសដាក់ លើម៉ូតូនារីរងគ្រោះជិះគេចខ្លួនទាំងត្រដាបត្រដួសដោយបន្សល់ទុកម៉ូតូ ពួកគេមួយគ្រឿងម៉ាកស៊ុយ ស៊ូគីនិច ពណ៌ស ពាក់ស្លាកលេខភ្នំពេញ CI-5603 នៅកន្លែងកើតហេតុផងដែរ ។
ក្រោយពេលកើតហេតុសមត្ថកិច្ចបាននាំនារីងគ្រោះទាំងពីរនាក់ រួមជាមួយម៉ូតូរបស់ក្រុមចោរទៅកាន់អធិការដ្ឋានខណ្ឌដូនពេញដើម្បីដាក់ពាក្យបណ្តឹង ។
ចែករំលែកព័តមាននេះ