រាជធានីភ្នំពេញ ៖ នារីម្នាក់បើករថយន្ត RANGE ROVER មួយគ្រឿងជ្រុលចង្កូតទៅបុករៈរនាំងដែកពុះចែកទ្រូងផ្លូវបាក់ និងទ្រេតអស់១០ផ្ទាំង បណ្តាលឱ្យរថយន្តបែកកង់មុខខាងឆ្វេង អ្នកបើកបរបានព្យាយាមបើករថយន្តគេចខ្លួនបានប្រហែលមួយគីឡូម៉ែត្រ រថយន្តក៏អស់ល្បឿនបើកទៅមុខលែងរួច នារីម្ចាស់រថយន្តក៏បាន
រាជធានីភ្នំពេញ ៖ នារីម្នាក់បើករថយន្ត RANGE ROVER មួយគ្រឿងជ្រុលចង្កូតទៅបុករៈរនាំងដែកពុះចែកទ្រូងផ្លូវបាក់ និងទ្រេតអស់១០ផ្ទាំង បណ្តាលឱ្យរថយន្តដាច់កង់មុខខាងឆ្វេង អ្នកបើកបរបានព្យាយាមបើករថយន្តគេចខ្លួនបានប្រហែលមួយគីឡូម៉ែត្រ រថយន្តក៏អស់ល្បឿនបើកទៅមុខលែងរួច នារីម្ចាស់រថយន្តក៏បានបើកទ្វាររថយន្តរត់គេចខ្លួនបាត់ស្រមោលដោយបន្សល់ទុកនៅរថយន្តស៊េរីទំនើបនៅនឹងកន្លែងកើតហេតុ ។ ហេតុការណ៍នេះកើតឡើងកាលពីវេលាម៉ោង ១ និង ៣០ នាទីរំលងអាធ្រាត្រ ឈានចូលថ្ងៃទី២១ វិចិ្ឆកា ២០១៤ នៅចំណុចមុខអាកាសយានដ្ឋានអន្តរជាតិភ្នំពេញ តាមហាវិថីសហព័ន្ធរុស្ស៊ី ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តស៊េរីទំនើបមួយគ្រឿងម៉ាក RANGE ROVER ពណ៌ស ពាក់ស្លាកលេខភ្នំពេញW-9993 បើកដោយនារីមិនស្គាល់អត្តសញ្ញាណម្នាក់ ដោយធ្វើដំណើរតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ចំណុចកើតហេតុរថយន្តបានជ្រុលចង្កូតទៅបុករៈរនាំងដែកពុះចែកទ្រូងផ្លូវបាក់ និងទ្រេតអស់១០ផ្ទាំង បណ្តាលឱ្យរថយន្តដាច់កង់មុខខាងឆ្វេង អ្នកបើកបរបានព្យាយាមបើករថយន្តគេចខ្លួនបានប្រហែលមួយគីឡូម៉ែត្រ រថយន្តក៏អស់ល្បឿនបើកទៅមុខលែងរួច នារីម្ចាស់រថយន្តក៏បានបើកទ្វាររថយន្តរត់គេចខ្លួនបាត់ស្រមោលដោយ បន្សល់ទុកនៅរថយន្តស៊េរីទំនើបនៅនឹងកន្លែងកើតហេតុ ។ មួយសន្ទុះក្រោយមកគេបានឃើញវត្តមានរបស់លោក មង្គលទីណា តារាចំរៀងប្រចាំផលិតកម្មថោនបានមកដល់កន្លែងកើតហេតុ និងបានប្រមែរប្រមូលរបស់របរ នៅក្នុងរថយន្តបង្កយកទៅទុកនៅផ្ទះ។ វត្តមានរបស់លោកមង្គលទីណា ដែលបង្ហាញខ្លួននៅកន្លែងកើតហេតុនេះ បានធ្វើឱ្យមជ្ឍដ្ឋានប្រជាពលរដ្ឋដែលចោមមើលហេតុការណ៍សន្និដ្ឋានថា រថយន្តបង្កខាងលើអាចជារបស់ក្រុមគ្រួសារ មិត្តភក្តិ ឬសាច់ញាតិ របស់តារាចំរៀងរូបនេះ ។
ក្រោយពេលកើតហេតុសមត្ថកិច្ចបានចុះមកពិនិត្យកន្លែងកើតហេតុ និងបានហៅរថយន្តស្ទូច មកស្ទូចយករថយន្តបង្កខាងលើទៅកាន់ការិយាល័យចរាចរផ្លូវគោក នៃស្នងការនគរបាលរាជធានីភ្នំពេញដើម្បីរងចាំម្ចាស់ចូលមកដោះស្រាយតាមនិតិវិធីច្បាប់ ។
ចែករំលែកព័តមាននេះ