រាជធានីភ្នំពេញ ៖ បុរសម្នាក់ស្រវឹងស្រាបើកតរថយន្តកាមរីឆ្លាមទៅបុកក្លោងទ្វារចូលហាងផឹកស៊ី យីហោម្លប់ស្វាយ១៦៨ បណ្តាលឱ្យតខ្លោងទ្វារហាងបាក់រងការខូចខាត និងកំពិតកូទរថយន្តម្ចាស់ហាងផងដែរ ហើយរថយន្តបង្កព្យាយាមបើករថយន្តចូលទៅចតនៅមុខផ្ទះរបស់ខ្លួនក្នុងបុរីពិភពថ្មី ។ ហេតុការណ៍នេះកើតឡើងកាលពីវេលាម៉ោង ១១ និង ៣០នាទីយប់ ថ្ងៃទី២០ វិច្ឆិកា ២០១៤ នៅចំណុចមុខហាងម្លប់ស្វាយ១៦៨ តាមផ្លូវ២០១១ ស្ថិតក្នុងភូមិគោកឃ្លៀង សង្កាត់ភ្នំពេញថ្មី ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមរីឆ្លាមពណ៌ស្ករ មួយគ្រឿង ពាក់ស្លាកលេខភ្នំពេញ2O-0570 បើកបរដោយបុរសស្រវឹងស្រាម្នាក់ ធ្វើដំណើរតាមផ្លូវបេតុង ខណៈមកដល់ចំណុចកើតហេតុ ដល់ចំណុចផ្លូវបត់រថយន្តមិនបានបត់ ក៏បើកត្រង់ទៅបុកក្លោងទ្វារចូលហាងផឹកស៊ី យីហោម្លប់ស្វាយ១៦៨ បណ្តាលឱ្យតខ្លោងទ្វារហាងបាក់រងការខូចខាត និងកំពិតកូទរថយន្តម្ចាស់ហាងផងដែរ ហើយរថយន្តបង្កបានព្យាយាមបើកគេចខ្លួនចូលទៅចតចោលនៅមុខផ្ទះលេខ១២០ ដែលជាផ្ទះរបស់បុរសបើករថយន្តបង្ក ស្ថិតក្នុងបុរីពិភពថ្មី ធ្វើដូចជាមិនរឿងអី។ បន្ទាប់មកម្ចាស់ហាង ក៏បានជិះតាមមកដល់មុខបុរី និង បានឱ្យសន្តិសុខចូលទៅហៅម្ចាស់រថយន្តមកដោះស្រាយគ្នា ។
ក្រោយមកគេឃើញម្ចាស់រថយន្តបង្កខាងលើបានចេញមកដោះស្រាយជាមួយម្ចាស់ហាងម្លប់ស្វាយ១៦៨ ដោយព្រមសងការខូចខាតចំនួន២០០ ដុល្លារទៅម្ចាស់ហាងដើម្បីបញ្ចប់រឿង។
ចែករំលែកព័តមាននេះ