រាជធានីភ្នំពេញ៖ ប្រភពពីសមត្ថកិច្ចដែលស្រង់សម្តីក្រុមគ្រួសារបុរសម្នាក់ ត្រូវជនមិនស្គាល់អត្តសញ្ញាណបា.ញ់រងរបួសធ្ងន់បានឲ្យដឹងថា ករណីនេះសង្ស័យពាក់ព័ន្ឋស្នេហាត្រីកោណ ពីព្រោះជនរងគ្រោះមានជាប់ពាក់ព័ន្ឋស្នេហាជាមួយនារីម្នាក់ដែលមានគូដណ្តឹងរួចហើយ និងធ្លាប់ឈ្លោះគ្នាតាមទូរស័ព្ទជាញឹកញាប់នោះថែមទៀត ។
រាជធានីភ្នំពេញ៖ ប្រភពពីសមត្ថកិច្ចដែលស្រង់សម្តីក្រុមគ្រួសារបុរសម្នាក់ ត្រូវជនមិនស្គាល់អត្តសញ្ញាណបាញ់រងរបួសធ្ងន់បានឲ្យដឹងថា ករណីនេះសង្ស័យពាក់ព័ន្ឋស្នេហាត្រីកោណ ពីព្រោះជនរងគ្រោះមានជាប់ពាក់ព័ន្ឋស្នេហាជាមួយនារីម្នាក់ដែលមានគូដណ្តឹងរួចហើយ និងធ្លាប់ឈ្លោះគ្នាតាមទូរស័ព្ទជាញឹកញាប់នោះថែមទៀត ។
យ៉ាងណាក៍ដោយសមត្ថកិច្ចមិនបញ្ចេញព័ត៌មានលម្អឹតនិងផ្តល់អត្តសញ្ញាណនារីដែលជនរងគ្រោះមានការជាប់ពាក់ព័ន្ឋស្នេហានោះឡើយ ។
គួរបញ្ជាក់ថា បុរសម្នាក់បានរងរបួសធ្ងន់ធ្ងរដោយសារជនមិនស្គាល់អត្តសញ្ញាណបាញ់ ត្រូវចំស្មាខាងឆ្វេងបៀមគ្រាប់ខាងក្នុងប៉ះពាល់ដល់សួត ។
ហេតុការណ៍នេះ បានកើតឡើងនៅម៉ោង៨និង៣០នាទីយប់ថ្ងៃទី២៧ តុលា ២០១៤ នៅមុខផ្ទះជនរងគ្រោះ ស្ថិតក្នុងភូមិបឹងសាឡាង សង្កាត់-ខណ្ឌប្ញស្សីកែវ ។
បុរសរងគ្រោះឈ្មោះ អាន តុលា អាយុ៣៤ឆ្នាំ ជាបុគ្គលិកអង្គការ Save The Children មានទីលំនៅក្នុងភូមិ-សង្កាត់ខាងលើ ។
បើតាមអ្នកឆ្លើយឆ្លងព័ត៌មានកោះសន្តិភាព បានស្រង់សម្តីសមត្ថកិច្ចឲ្យដឹងថា មុនពេលកើតហេតុជនរងគ្រោះបានចេញពីធ្វើការត្រឡប់មកផ្ទះដូចសព្វដង ដោយជិះរថយន្តកូរ៉ូឡា ព៌ណស ពាក់ស្លាកលេខភ្នំពេញ 2V 5664 លុះមកដល់មុខផ្ទះ ជនរងគ្រោះក៍ចុះពីលើរថយន្តបើកទ្វាររបងផ្ទះ ស្រាប់តែលេចមុខជនមិនស្គាល់អត្តសញ្ញាណជិះម៉ូតូ C125 ព៌ណខ្មៅម្នាក់ឯង ដកកំាភ្លើងមិនស្គាល់ម៉ាកបាញ់ទៅលើជនរងគ្រោះ បណ្តាលឲ្យត្រូវស្មាខាងឆ្វេងរងរបួសធ្ងន់ធ្ងរ ហើយជនល្មើសជិះគេចខ្លួនបាត់តែម្តង ។ ក្រោយកើតហេតុ ជនរងគ្រោះត្រូវបានក្រុមគ្រួសារបញ្ចូនយកទៅសង្គ្រោះបន្ទាន់ នៅមន្ទីរពេទ្យកាល់ម៉ែត្រ ។
នៅពេលនេះ សមត្ថកិច្ចកំពុងធ្វើការស្រាវជ្រាវ ដើម្បីឈានដល់ការចាប់ជនបង្កនិងអ្នកពាក់ព័ន្ឋយកមកផ្ទន្ទាទោសតាមច្បាប់ ៕
ចែករំលែកព័តមាននេះ