រាជធានីភ្នំពេញ ៖ បុរសពីរនាក់បានរងរបួសធ្ងន់ បន្ទាប់ពីជួបគ្រោះថ្នាក់ចរាចរណ៍ដែលបង្កឡើងរវាងម៉ូតូពីរគ្រឿងបុកគ្នាពេញទំហឹង ។ ហេតុការណ៍នេះកើតឡើងកាលពីវេលាម៉ោង ១១ និង១០នាទី នៅចំណុចក្បែរហាង អា ឃីត៩៩ ផ្លូវ៣៧១ ស្ថិតក្នុងសង្កាត់បឹងទំពុន ខណ្ឌមានជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញបុរសម្នាក់ជិះម៉ូតូហុងដាឌ្រីម សេ១២៥ ស៊េរីឆ្នាំ២០១៥ ពណ៌ខ្មៅ មួយគ្រឿងពាក់ស្លាកលេខភ្នំពេញ1AK-8119 ចេញពីហាងផឹកស៊ី ដោយធ្វើដំណើរតាមផ្លូវ៣៧១ ក្នុងស្ថានភាពស្រវឹងមកដល់ចំណុចកើតហេតុម៉ូតូបានបត់ឆ្លងផ្លូវក្នុងទិសដៅពីលិច ទៅកើត ក៏បានជ្រុលទៅបុកម៉ូតូហុងដាឌ្រីមសេ១២៥មួយគ្រឿងទៀត ដែលធ្វើដំណើរបញ្រ្ចាសទិសគ្នា ពេញទំហឹង បណ្តាលឱ្យរបួសធ្ងន់ទាំងសងខាង។
ក្រោយពេលកើតហេតុជនរងគ្រោះទាំងពីរនាក់ ត្រូវបានប្រជាពលរដ្ឋបញ្ជូនទៅសង្រ្គោះនៅមន្ទីរពេទ្យចំណែកម៉ូតូទាំងពីរគ្រឿង ត្រូវនគរបាលនាំយកទៅរក្សាទុកទៅកាន់អធិការដ្ឋានខណ្ឌមានជ័យ ដើម្បីដោះស្រាយតាមផ្លូវច្បាប់ ។
ចែករំលែកព័តមាននេះ