រាជធានីភ្នំពេញ ៖ បុរសម្នាក់ងងុយដេកពេក បានបើករថយន្តកុងតឺន័រមកអែបចិញ្ចើមផ្លូវដើម្បីដេកតែចៃដន្យមានម៉ូតូមួយគ្រឿងបានបើកវ៉ា ហើយអ្នកបើករថយន្តកុងតឺន័របានកាច់ចង្កូតគេចខ្លាចប៉ះម៉ូតូ ក៏បានជ្រុលទៅបុកខ្លោងទ្វារដែកមុខផ្សារហេង លី បណ្តាលនិងជ្រុលទៅបុកឃ្លាំងលក់ទុយោបណ្តាលឱ្យរងការខូចខាត
រាជធានីភ្នំពេញ ៖ បុរសម្នាក់ងងុយដេកពេក បានបើករថយន្តកុងតឺន័រមកអែបចិញ្ចើមផ្លូវដើម្បីដេកតែចៃដន្យមានម៉ូតូមួយគ្រឿងបានបើកវ៉ា ហើយអ្នកបើករថយន្តកុងតឺន័របានកាច់ចង្កូតគេចខ្លាចប៉ះម៉ូតូ ក៏បានជ្រុលទៅបុកខ្លោងទ្វារដែកមុខផ្សារហេង លី បណ្តាលនិងជ្រុលទៅបុកឃ្លាំងលក់ទុយោបណ្តាលឱ្យរងការខូចខាតប៉ុន្តែមិនមានមនុស្សណាម្នាក់រងរបួសទេ ។ ហេតុការណ៍នេះកើតឡើងកាលពីវេលាម៉ោង ៣និង១០នាទី រំលងអាធ្រាត្រ ថ្ងៃទី ០៨ តុលា ២០១៤ នៅចំណុចមុខផ្សារ ហេង លី តាមបណ្តោយផ្លូវលេខ២៧១ ស្ថិតក្នុងសង្កាត់ទឹកល្អក់៣ ខណ្ឌទួលគោក។
ប្រភពព័ត៌មានបានឱ្យដឹងថា នៅមុនពេលកើតហេតុ បុរសដែលជាតៃកុងរថយន្តកុងតឺន័រងងុយដេកពេកក៏បានបើករថយន្តមកអែបចិញ្ចើមផ្លូវដើម្បីឈប់រថយន្តដេក ខណៈនោះក៏មានម៉ូតូមួយគ្រឿងបើកវ៉ាខាងឆ្វេងរថយន្តហើយតៃកុងរថយន្តព្យាយាមកាច់ចង្កូតចេញខ្លាចប៉ះម៉ូតូ ស្រាប់តែរថយន្តបានជ្រុលចង្កូតទៅបុកនឹងក្លោងទ្វារដែកផ្សារ ហេង លី និងបានជ្រុលទៅបុកឃ្លាំងលក់ទុយោបណ្តាលឱ្យរងការខូចខាតប៉ុន្តែមិនមានមនុស្សណាម្នាក់រងរបួសទេ ។
នៅក្រោយពេលកើតហេតុអ្នកបើករថយន្តកុងតឺន័រព្រមសងការខូចខាតទាំងអស់ដើម្បីបញ្ចប់រឿង ។
ចែករំលែកព័តមាននេះ