ខេត្តកំពង់ឆ្នាំង៖ បុរសជាមេជាងផ្ទះដ៏ចំណានម្នាក់ បានស្លា.ប់ពេលដឹកទៅសង្គ្រោះមន្ទីរពេទ្យខេត្ត រយៈពេល៣ម៉ោង បន្ទាប់ពីបានធ្វេសប្រហែសត្រូវបានជើងសសរថ្ម រលំចំក្បាលបណ្តាលឱ្យរងរបួសធ្ងន់ ។ ឧប្បត្តិហេតុនេះបានកើតឡើងនៅវេលាម៉ោង៥និង១០នាទីល្ងាចថ្ងៃទី០៥ តុលា នៅក្នុងភូមិព្រៃមាន់ ឃុំស្រែថ្មី ស្រុករលាប្អៀរ ។
ខេត្តកំពង់ឆ្នាំង៖ បុរសជាមេជាងផ្ទះដ៏ចំណានម្នាក់ បានស្លាប់ពេលដឹកទៅសង្គ្រោះមន្ទីរពេទ្យខេត្ត រយៈពេល៣ម៉ោង បន្ទាប់ពីបានធ្វេសប្រហែសត្រូវបានជើងសសរថ្ម រលំចំក្បាលបណ្តាលឱ្យរងរបួសធ្ងន់ ។ ឧប្បត្តិហេតុនេះបានកើតឡើងនៅវេលាម៉ោង៥និង១០នាទីល្ងាចថ្ងៃទី០៥ តុលា នៅក្នុងភូមិព្រៃមាន់ ឃុំស្រែថ្មី ស្រុករលាប្អៀរ ។
ស្ត្រីឈ្មោះ ឡាច គីម អាយុ៥២ឆ្នាំ ត្រូវជាប្រពន្ធបុរសរងគ្រោះបានរៀបរាប់ឱ្យដឹងថា ប្តីរបស់គាត់ ឈ្មោះ អឿ ស៊ីថា ហៅនុច អាយុ៥៣ឆ្នាំ មុខរបរជាមេជាងមានបច្ចេកទេសរំកិលផ្ទះ ឬស្ទូចផ្ទះ ដូរជើងសសរថ្មីដ៏ចំណានម្នាក់ រស់នៅក្នុងភូមិឃុំកើតហេតុខាងលើ។ មុនពេលកើតហេតុ រូបគាត់និងអ្នកភូមិ៣នាក់ទៀតបាននាំគ្នាជួយលើកជើងសសរថ្ម១ដើម ដើម្បីតផ្ទះមកក្រោយត្រៀម រៀបចំការកូនស្រីក្នុងរដូវរំហើយខាងមុខនេះ ។
នៅពេលកើតហេតុអ្នកស្រុកក្នុងភូមិ៣នាក់និងរូបគាត់បាននាំគ្នាលើកសសរថ្មដែលមានជើងតាងពីក្រោមនិងមានប្រវែង៣ម៉ែត្របញ្ឈរបានទៅហើយ ពេលនោះអ្នកភូមិបាននាំគ្នាទៅធ្វើការងារផ្សេងទៀត ចំណែកគាត់បានឈរទាញរំកិលជើងសសរថ្មឱ្យត្រូវក្រិតតែម្នាក់ឯង ស្រាប់តែពេលនោះដី បានស្រុតធ្វើឱ្យជើងសសររលំដួល ហើយគាត់តាមទ្រសសរកុំឱ្យដួលបោកខ្លាំងខ្លាចបាក់សសរ តែចៃដន្យនៅពេលគាត់កំពុងទ្រនោះ គាត់បានជំពប់ជើងដួលផ្ងាកក្រោយ ហើយត្រូវសសររលំបោកចំក្បាលរបស់គាត់ បណ្តាលឱ្យរបួសធ្ងន់ ។ ភា្លមៗនោះក្រុមគ្រួសារបានដឹកបញ្ជូនគាត់ទៅកាន់មន្ទីរខេត្ត ដើម្បីឱ្យក្រុមគ្រូពេទ្យខេត្តជួយសង្គ្រោះជីវិត ប៉ុន្តែដោយសភាពរបួសនៅលើក្បាលធ្ងន់ធ្ងរពេក គ្រូពេទ្យមិនអាចជួយសង្គ្រោះបាន រយៈពេល៣ម៉ោងក្រោយមកគាត់ក៍បានដាច់ខ្យល់ស្លាប់ ៕
ចែករំលែកព័តមាននេះ